Հարցազրույց16:39, 23 Հունիս 2025
Պոլսահայ գործիչը Ermenihaber.am-ի հետ զրույցում անդրադարձել է ՀՀ վարչապետի ստամբուլյան այցին
ՀՀ վարչապետ Նիկոլ Փաշինյանը հունիսի 20-ին Թուրքիա կատարած այցի շրջանակում հանդիպել է Կ. Պոլսի հայ համայնքի և հայկական մամուլի ներկայացուցիչներ հետ։
Հանդիպման ընթացքում վարչապետ Փաշինյանը մի շարք ուղերձներ է հղել հայ–թուրքական հարաբերությունների վերաբերյալ։ Հանդիպմանը ներկա են գտնվել Թուրքիայում գործող հայկական հիմնադրամների և կազմակերպությունների ղեկավարներ, Թուրքիայի հայ կաթողիկե համայնքի հոգևոր առաջնորդ Գերապայծառ Ղազանջյանը, Հայ բողոքական եկեղեցու հովիվ Գիրգոր Աղաբալօղլուն, Հայկական հիմնադրամների միության նախագահ Պետրոս Շիրինօղլուն, Թուրքիայի խորհրդարանի պատգամավոր Սևան Սըվաջըօղլուն (AKP), ինչպես նաև Կ. Պոլսի հայկական մամուլի ներկայացուցիչներ։
Հանդիպմանը մասնակցել են նաև ՀՀ արտգործնախարար Արարատ Միրզոյանը, Հայաստան-Թուրքիա հարաբերությունների կարգավորման գործընթացում ՀՀ հատուկ ներկայացուցիչ Ռուբեն Ռուբինյանը, ՀՀ ԱԳ փոխնախարար Վահան Կոստանյանը և Սևծովյան տնտեսական համագործակցության կազմակերպությունում Հայաստանի մշտական ներկայացուցիչ Նաիրի Պետրոսյանը։
Ermenihaber.am-ի հետ զրույցում պոլսահայ գործարար, Բաքըրքյոյի քաղաքապետի նախկին տեղակալ Նուրհան Չեթինքայան անդրադարձել է վարչապետ Փաշինյանի՝ Թուրքիա կատարած այցին և տեղի համայնքի հետ ունեցած հանդիպմանը։
- Ինչպես գիտեք, ՀՀ վարչապետն 1-ին անգամ է այցելել Թուրքիա՝ աշխատանքային այցով։ Ստամբուլում հանդիպել է Թուրքիայի հայ համայնքի ներկայացուցիչների հետ։ Ինչպե՞ս եք գնահատում ՀՀ վարչապետի այցը և Կ․ Պոլսի հայ համայնքի ներկայացուցիչների հետ հանդիպումը։
- Տարիներ անց առաջին անգամ Հայաստանի վարչապետի այցը Թուրքիա շատ կարևոր իրադարձություն է։ Եվ Թուրքիայում բնակվող հայերը, և նաև Հայաստանը սիրող Թուրքիայի Հանրապետության քաղաքացիները մեծ ուրախությամբ ընդունեցին այս այցը։ Մենք ականատես եղանք մի ուշագրավ իրադարձության․ Նիկոլ Փաշինյանը հանդիպեց հայ համայնքի ներկայացուցիչների հետ։
Նայում եմ՝ շատ գեղեցիկ պատկեր է (նկատի ունի համայնքի ներկայացուցիչների հետ հանդիպումը- խմբ․)։ Այնտեղ կային պատգամավորներ, խորհրդարանի անդամներ, մամուլի ներկայացուցիչներ, հիմնադրամների նախագահներ։ Ըստ երևույթին, որքան էլ որ սա այն պատկերն էր, որ Փաշինյանն ուզում էր տեսնել, սակայն իմ կարծիքով՝ Փաշինյանը կցանկանար տեսնել մի պատկեր, որտեղ ներկայացված կլինեին նաև Թուրքիայում ապրող հայ ակադեմիական շրջանակների ներկայացուցիչներ, արվեստագետներ, երիտասարդներ։ Մենք բազմաթիվ պայծառ երիտասարդներ ունենք, որոնք այսօր իրենց տեղն են գտել տարբեր ոլորտներում։
Երիտասարդ գործարարներ էլ ունենք, օրինակ։ Նրանք էլ պետք է ընդգրկված լինեին։ Չգիտեմ՝ սա ով է կազմակերպել, բայց եթե դա արել է պատրիարքարանը, ապա խորհուրդ կտայի, որ պատրիարքարանը վերանայի իր կազմած ցուցակը։
- Ի՞նչ ակնկալիքներ ունեք Փաշինյան-Էրդողան հանդիպումից։
- Անշուշտ սա պատմական պահ է, որի կարևորությունը չպետք է անտեսել։ Առաջիկայում Հայաստանի և Թուրքիայի միջև սահմանի բացումը, ինչպես նաև տնտեսական, դիվանագիտական և հասարակական հարաբերությունների հաստատումը, բաներ էին, որոնք տարիներ շարունակ ակնկալում էի։
Պարոն Փաշինյանն էլ գործում է մեծ նվիրումով։ Նրա թիկունքում ժողովուրդն է, իսկ դիմացը՝ Սփյուռքի ճնշումը։ Դրանք շատ բարդ հարցեր են։ Հատկապես՝ նման տնտեսական դժվարությունների պայմաններում գտնվող երկրի համար։ Սփյուռքի մշտական ճնշման ներքո գալ Թուրքիա և այս գործընթացն իրականացնելը մեծ համարձակություն էր պահանջում։ Ես նրան շնորհավորում եմ այդ համարձակության համար։ Հուսամ՝ սահմանները կբացվեն։ Բայց եթե անգամ բացվեն էլ, ապա վերահսկողությունը պիտի լինի շատ խիստ։
Այս ենթաբաժնի վերջին նորությունները
Թուրքիայում անազատության մեջ գտնվող իրավապաշտպան և հասարակական գործիչն անդրադարձել է Թուրքիա-Հայաստան կարգավորման գործընթացին և Անիի կամրջի վերականգնմանը։
Տարածաշրջանային հարցերի փորձագետ Վահրամ Հովհաննիսյանը հարցազրույց է տվել Ermenihaber.am կայքին:
Իսրայելում պաշտոնական մակարդակով հայտարարվել է, որ իրենց համար անվտանգության ոլորտում սպառանալիք է դառնում Թուրքիան, և Իսրայելը պետք է պատրաստվի զսպել Թուրքիային՝ մասնավորապես Սիրիայի ուղղությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Այդ մասին հայտնում են Թուրքիայի պաշտպանության նախարարության աղբյուրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |