Հոդված15:51, 03 Հուլիս 2023
Թուրքիայի նոր արտգործնախարարին վերագրում են քրդական ծագում
Թուրքիայի նորանշանակ արտգործնախարար Հաքան Ֆիդանը հետաքրքրություն է առաջացնում թուրքական հանրության մոտ։ Առավել ուշագրավ է այն փաստը, որ նրա կյանքից ու գործունեությունից խիստ սահմանափակ տվյալներ են հայտնի, ինչն է՛լ ավելի է մեծացնում նրա անձի նկատմամբ հետաքրքրությունը։
Ֆիդանի արտգործնախարար նշանակվելու փաստին անտարբեր չգտնվեց միջազգային մամուլը։ Մի շարք հեղինակավոր լրատվականներ գրեցին, որ նա Թուրքիայի ամենաազդեցիկ և Էրդողանի մերձավոր մարդկանցից մեկն է։ Ուստի սպասվում է, որ արտաքին հարաբերություններում արդեն իսկ որդեգրված դիրքորոշումները շարունակվելու են նույն թափով։
Երբ հայտարարվեց, որ Թուրքիայի նոր արտգործնախարարը Հաքան Ֆիդանն է, թուրքական մամուլում կրկին սկսեցին գրել, որ նա ազգությամբ քուրդ է և կապեր ունի PKK-ի հետ, չնայած անձամբ Ֆիդանը երբեք չի խոսել իր քրդական ծագման մասին։
Լուրեր էին հրապարակվում, որ նրա զարմիկ Էգիդ Զիլանը PKK-ականների շարքերում է, սակայն լուրն արագորեն հերքվեց Թուրքիայի հանրային կապերի վարչության կողմից: Պաշտոնապես հայտարարվեց, որ Հաքան Ֆիդանը նման զարմիկ չունի, և պետք չէ տրվել ահաբեկչական կազմակերպությունների կողմից տարածած մանիպուլյացիոն հայտարարություններին:
Մեկ այլ լուր էլ տարածվեց, թե Հաքան Ֆիդանը նույն ինքը Աբդուլլահ Չաթլըն է, ով իբր մահացել է 1996թ․ նոյեմբերի 3-ին տեղի ունեցած ավտովթարից։ Բայց ոչ թե մահացել է, այլ պլաստիկ վիրահատությունների շնորհիվ ստացել Հաքան Ֆիդանի դեմքը։ Նման պնդումների հիմք էր հանդիսացել նրանց դիմագծերի նմանությունը։ Չաթլըն հանրապետական Թուրքիայի ամենասկանդալային անձնավորություններց է եղել, խորքային պետության (Derin devlet) գործակալ, մաֆիայի լիդեր, մի քանի անգամ դատվածություն է ունեցել տարբեր սպանությունների համար, սակայն նրան հաջողվել է 1980-ի սեպտեմբերի 12-ի պետական հեղաշրջման ժամանակ փախչել երկրից։
Ավելի ուշ այս անհեթեթ խոսակցություններին ևս վերջ տրվեց, քանի որ Չաթլըի աղջիկը՝ Գյոքչեն Չաթլըն, ծնվել է 1975թ. մայիսի 22-ին, երբ Ֆիդանն ընդամենը 7 տարեկան էր, ուստի պարզապես չէր կարող լինել այդ աղջկա կենսաբանական հայրը։
Ֆիդանը, տարիներ շարունակ լինելով Թուքրիայի ազգային հետախուզության ծառայության ղեկավար, խիստ սահմանափակ հնարավորություններ է ունեցել հրապարակային բանակցություններին կամ հանդիպումներին ներկա լինելու, սակայն անդրկուլիսյան քննարկումներին մեծ մասնակցություն է ունեցել։ Այժմ, երբ նրան հրապարակային գործունեության հնարավորություն է տրված, աշխատանքային պայմանները թույլ են տալիս լինել ավելի ազատ և անկաշկանդ։
Այս ենթաբաժնի վերջին նորությունները
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |