Ռազմական13:15, 02 Դեկտեմբեր 2022
Ամերիկացի գեներալ. «Եթե Թուրքիան S-400 ները տա Ուկրաինային, կարող է վերադառնալ F-35 կործանիչների ծրագիր»
Ուկրաինայում պատերազմ սկսվելուց ի վեր Վաշինգտոնն արդեն մի քանի անգամ Անկարային տարբեր խողովակներով առաջարկել է Ռուսաստանից գնված S-400 ՀՕՊ համակարգերը փոխանցել Ուկրաինային: ԱՄՆ-ն այդ առաջարկով պատրաստակամություն է հայտնում նաև S-400-եր տրամադրելու դեպքում քննարկել 5-րդ սերնդի նորագույն F-35 կործանիչների համատեղ արտադրության ծրագրում Թուրքիայի մասնակցության վերականգնման հարցը: Ծրագրին Անկարայի մասնակցությունը կասեցվել էր ՆԱՏՕ-ի անդամ չհանդիսացող Ռուսաստանից ՀՕՊ համակարգեր գնելու պատճառով:
Այս անգամ թեմայի վերաբերյալ հայտարարություն է արել ԱՄՆ-ի Եվրոպայի ուժերի նախկին հրամանատար գեներալ Բեն Հոդգեսը: BBC-ի թուրքական ծառայությանը տված հարցազրույցում նա ասել է. «Գիտենք, որ S-400-ները պահվում են իրենց տուփերում: (չեն օգտագործվում-խմբ.): Թուրքիան կարող է հետ կանգնել իր քայլից և օրինակ այդ համակարգերը տալ Ուկրաինային ու վերադառնալ F-35-երի ծրագրին»:
Ամերիկացի գեներալն ավելացրել է, որ հասկանում է, որ նախընտրական այս շրջանում Էրդողանի համար դժվար կլինի նման որոշում կայացնելը, սակայն, ըստ Հոդգեսի, Թուրքիայի նախագահը Ռուսաստանի հետ պայմանագիր կնքելիս իմացել է նման հետևանքների մասին:
Նշենք, որ դեռևս փետրվարին Reuters գործակալությունը հայտնել էր, որ ամերիկյան կողմը թեման օրակարգ էր բերել ԱՄՆ-ի պետքարտուղարի տեղակալ Վենդի Շերմանի Թուրքիա կատարած այցի ժամանակ: Ըստ աղբյուրի՝ ոչ պաշտոնական քննարկման ժամանակ թուրք պաշտոնյաները ամերիկյան կողմին տեղեկացրել էին, որ նման քայլը (S-400-ը Կիևին փոխանցելը) կարող է փչացնել ռուս-թուրքական հարաբերությունները՝ հասկացնելով, որ Անկարայի կողմից այդ առաջարկի ընդունումն իրատեսական չէ:
Այս ենթաբաժնի վերջին նորությունները
Թուրքիան դեռևս չի վավերացրել ՄԱԿ-ի Զենքի վաճառքի համաձայնագիրը, ինչը նրան ազատում է այս ոլորտի վերահսկումից:
Թուրքիայի նախագահականի հանրային կապերի վարչության ապատեղեկատվության դեմ պայքարի կենտրոնը նշել է, որ զորավարժության սցենարը և բոլոր փուլերը իրենց հայտնի են։
Թուրքական մամուլում ընդգծվում է, զինաթափվելու և ինքնալուծարվելու գործընթացն իրականացվելու է 5 փուլով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Չնայած այն պնդումներին, որ «Քուրդիստանի բանվորական կուսակցության» առաջնորդն ազատ արձակվել չի կարող, հակառակ սցենարը բացառված չէ։
Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։
Թուրքիայի աջակացությունը Պակիստանին բոյկոտի մեծ ալիք է բարձրացրել և հակաթուրքական տրամադրություններ առաջացրել Հնդկաստանում։
Թուրքիայի արտաքին գործերի նախարարը Ուկրաինայում հանդիպել է երկրի արտաքին գործերի նախարարի հետ։
Թուրքիայի նախագահ Ռեջեփ Թայիփ Էրդողանը Ադրբեջանից վերադառնալիս պատասխանել է լրագրողների հարցերին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |