Ֆիդան. «Թուրքիան կաջակցի Ղրիմի թաթարներին և ավելի կամրապնդի կապերը Ուկրաինայի հետ»

Քաղաքական14:18, 30 Մայիս 2025

Ֆիդան. «Թուրքիան կաջակցի Ղրիմի թաթարներին և ավելի կամրապնդի կապերը Ուկրաինայի հետ»

Թուրքիայի արտաքին գործերի նախարար Հաքան Ֆիդանը մեկնել է Ուկրաինա և հանդիպել երկրի արտաքին գործերի նախարար Անդրեյ Սիբիհայի հետ։ Ֆիդանը ծաղիկներ է դրել «Հիշատակի պատի» մոտ։ Հարգանքի տուրք մատուցելուց հետո կայացել է արտգործնախարարների առանձնազրույցը։

Կողմերը առանձնազրույցից հետո հանդես են եկել մամուլի ասուլիսով։ Ֆիդանը մասնավորապես նշել է. «Մենք մոտենում ենք պատերազմում կարևորագույն ճամփաբաժանի։ Կամ մենք կփակենք աչքերը այս պատերազմի շարունակության վրա, կամ կհասնենք մշտական խաղաղության»։

Մայիսի 16-ին Ստամբուլում կայացած բանակցությունները նոր երանգ հաղորդեցին դիվանագիտական լուծման որոնմանը և Թուրքիան պատրաստ է հյուրընկալել հաջորդ բանակցությունները։ Անդրադառնալով Ղրիմի թաթարներին՝ նա նշել է, որ ցանկանում են նպաստել Ուկրաինայի վերակառուցմանը և հավելել, որ ուշադիր հետևում են Ղրիմի թաթարներին և Ղրիմի շուրջ զարգացումներին։ Ֆիդանը նաև ընդգծել է, որ Թուրքիան կաջակցի Ղրիմի թաթարներին և ավելի կամրապնդի կապերը Ուկրաինայի հետ։

Ուկրաինայի արտաքին գործերի նախարարը նշել է, որ իրենք ցանկանում են, որպեսզի բանակցությունները շարունակվեն Ստամբուլում։

Աղբյուր` haberglobal.com.tr

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: