Հարցազրույց11:03, 12 Հոկտեմբեր 2022
Ֆաթմա Յավուզը՝ հայ-թուրքական հարաբերություների կարգավորման մասին
Հայաստանի և Թուրքիայի հատուկ ներկայացուցիչների նշանակմամբ սկսված հայ-թուրքական երկխոսության գործընթացը բազմակողմանիորեն ներկայացնելու համար Ermenihaber.am-ը նախաձեռնել է հարցազրույցների շարք Թուրքիայի ու Հայաստանի քաղաքական և հասարակական գործիչների հետ։
Հայ և թուրք ընթերցողների դատին ենք հանձնում հիշյալ գործիչների տարասեռ տեսակետները հայ-թուրքական կարգավորման վերաբերյալ։
Այս անգամ մեր զրուցակիցը ծագումով հայ աստվածաբան, գրող և ակտիվիստ Ֆաթմա Յավուզն է։
Համառոտ կենսագրական
Ֆաթմա Յավուզը ծնվել է 1979թ. Ստամբուլի Ուսքյուդար (պատմ. Սկյութար) թաղամասում։ Ծագումով հայ է։ Յավուզը շուրջ 14 տարի զբաղվել է Ղուրանի դասավանդմամբ։ Որոշ ժամանակ աշխատել է Թուրքիայի կրոնական գործերի վարչությունում և Ստամբուլի քաղաքապետարանում։
Նա հայտնի է իր ընդդիմադիր հայացքներով և իշխանությունների հասցեին հնչեցրած սուր քննադատություններով։ Յավուզի սոցցանցային գրառումները հաճախ են կոշտ արձագանքի արժանանում թուրքական հասարակության կողմից։
- Հայ-թուրքական հարաբերությունների կարգավորումը ներկա փուլում իրատեսական համարո՞ւմ եք։ Եթե՝ այո, ինչո՞ւ, եթե՝ ոչ, ինչո՞ւ։
- Այս փուլում, ցավոք, Թուրքիա-Հայաստան կարգավորման գործընթացն իրատեսական չեմ համարում։ Հուսով եմ՝ կսխալվեմ և կարգավորման ճանապարհին թեև քիչ, բայց առաջընթաց կգրանցենք։ Իրատեսական չհամարելու պատճառն այն է, որ ես երկու տարի է, ինչ կոնկրետ առաջընթաց չեմ տեսնում, և որ Թուրքիայի հասարակությանը դրան նախապատրաստելու համար ոչ աշխատանք չի տարվում։ Ընդհակառակը, ատելության խոսքը դեռևս շարունակում է ներգործող լինել։
- Պրահայում տեղի ունեցավ ՀՀ վարչապետի և Թուրքիայի նախագահի դեմ առ դեմ 1-ին հանդիպումը։ Ինչպե՞ս եք գնահատում այն։
- Կարծում եմ, որ Նիկոլ Փաշինյանի և Թայիփ Էրդողանի հանդիպումը բովանդակալից էր, սակայն Թուրքիայում ընթացող ընտրական գործընթացը խոչընդոտ է հանդիսանալու այս պահին առողջ ու մնայուն քայլեր իրականացնելու համար։
- Փաշինյան-Էրդողան հանդիպմանը քննարկվել է նաև սահմանների բացման հարցը։ Առաջիկայում հավանական համարու՞մ եք սահմանների բացումը և ինչպիսի ազդեցություն կունենան երկու ժողովուրդների վրա, եթե բացվեն սահմանները։
- Չեմ կարծում, որ մոտ ապագայում սահմանները կբացվեն, քանի որ թուրքական հանրության շրջանում դեռևս չկա դրա հանրային արձագանքը։ Անշուշտ, եթե բացվեն սահմանները, հիանալի զարգացում կլինի և երկու ժողովուրդներն էլ իրենց միջև առկա կոնկրետ խոչընդոտներից կազատվեն։ Իսկ դա թերևս ամենից կարևորն է։ Հուսամ մենք կտեսնենք այդ օրը։ Ճիշտ է, դա մոտ ապագայում չի լինի, բայց հուսամ գոնե ողջամիտ ժամկետում կլինի։
- Երևանում հանդիպելու են Թուրքիայի և Հայաստանի ֆուտբոլի ազգային հավաքականները։ Ըստ Ձեզ՝ Թուրքիայից բարձրաստիճան այրերի այց սպասվու՞մ է։ Հավանական համարու՞մ եք ֆուտբոլային դիվանագիտության «2-րդ եթերաշրջանը»։
- Ես հավատում եմ սպորտի համախմբող ուժին։ Դա կարող է բարձրաստիճան անձանց այցերի համար նպաստող հանգամանք ծառայել։ Այս տեսանկյունից բարձրաստիճան այցերն անակնկալ չեն։ Իհարկե, ֆանատիզմը երբեմն կարող է հակադարձել սպորտի միավորող ազդեցությանը, բայց լիահույս եմ, որ մենք ականատես կլինենք դիտարժան ֆուտբոլային հանդիպման՝ առանց որևէ տհաճ բան ապրելու։
Այս ենթաբաժնի վերջին նորությունները
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Իրանի նախագահ Ռայիսին պաշտոնական այց է կատարել Անկարա։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Իրանի քաղաքացիներն ավելացրել են իրենց ճանապարհորդությունները դեպի Թուրքիա և Ստամբուլ դեռևս հունվարին։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |