Հարցազրույց12:26, 07 Մարտ 2019
Թուրքագետ. «Բուհական դասագրքի նպատակը Թուրքիայի մասին օբյեկտիվ ինֆորմացիա փոխանցելն է»
Մարտի 7-ին տեղի ունեցավ «Թուրքիայի Հանրապետության պատմություն» բուհական դասագրքի երկրորդ՝ լրամշակված հրատարակության շնորհանդեսը:
Այս թեմայի առնչությամբ «Ermenihaber.am»-ը զրուցել է գրքի համահեղինակ, ԵՊՀ Արևելագիտության ֆակուլտետի դեկան, թուրքագետ, պրոֆեսոր Ռուբեն Մելքոնյանի հետ:
Պարո՛ն Մելքոնյան, ի՞նչով է տարբերվում «Թուրքիայի Հանրապետության պատմություն» բուհական դասագրքի երկրորդ հրատարակությունը նախորդից:
Գրքի հրատարակումը 2014թ. էր և ընդգրկում էր Թուրքիայի պատմությունը 1918թ-2011թ.: 2011թ. մասին համառոտ անդրադարձ կար գրքում: Այն կարևոր զարգացումները, որոնք տեղի ունեցան այդ ժամանակաշրջանում և այդ ժամանակաշրջանին հաջորդող, մասնավորապես՝ սահմանադրական փոփոխություններ, խորհրդարանական ընտրություններ, նախագահական 2 ընտրություններ, ըստ էության, դուրս էին մնացել և թերի էին:
Երկրորդ՝ լրամշակված տարբերակում պատմությունը ներկայացվում է ընդհուպ մինչև 2018թ. վերջը: Ավելացվել են քարտեզներ, վիճակագրական տարբեր տվյալներ, տոներ և դրանց գաղափարախոսական նշանակությունը, ինչպես նաև ներկայացվել է սոցիալ մշակութային փոփոխությունները, որ տեղի են ունեցել տվյալ ժամանակաշրջանում:
Ի՞նչ նպատակով է վերաթողարկվել գիրքը և ո՞րն է հիմնական ուղերձը:
Նպատակը, բնականաբար կրթական գործընթացներում ավելի ճիշտ տեղեկատվություն ներկայացնելն է և թուրքագետ ուսանողների համար ավելի դյուրին և օբյեկտիվ ինֆորմացիա փոխանցելը, որը կնպաստի և՛ լավ մասնագետ դառնալուն, և՛ Թուրքիայի Հանրապետության պատմության, և՛ տարբեր մանրամասներին ավելի ճիշտ տիրապետելուն, ընկալելուն:
Բացի այդ, մենք հայալեզու դասագրքեր, որ վերաբերում է Թուրքիայի պատմությանը և որը համապատասխանում է օբյեկտիվ իրականությանը, ինչպես նաև հայերի համար կարևոր խնդիրներին, ըստ էության, չունեինք: Սա գալիս է լրացնելու այդ բացը:
Ի՞նչ արդյունք եք ակնկալում դասագրքից և արդյո՞ք նախորդ դասագիրքը արդարացրել է Ձեր սպասելիքները:
Արդեն այս դասագրքով դասավանդում է իրականացվում: Նախորդ դասագրքով կուրսեր կան, որ ավարտել են: Արդյունքն այն է, որ մենք ակնկալում ենք ավելի խորագիտակ, ավելի պատրաստված թուրքագետներ և կարծում եմ, որ արդեն իսկ այս շրջանավարտները ապացուցում են, որ դասագիրքը ունի և ունեցել է լավ արդյունք: Վստահ եմ, որ արդյունքը կշարունակվի, քանի որ հայերենով և համապարփակ Թուրքիայի պատմության ներկայացումը առաջին հերթին նպաստելու է լավ մասնագետների ձևավորմանը:
Հարցազրույցը` Էլեն Քոքչյանի
Այս ենթաբաժնի վերջին նորությունները
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |