Իրավական09:23, 13 Հունվար 2018
Էրդողանը բարոյական փոխհատուցման հայց է ներկայացրել Քեմալ Քըլըչդարօղլուի դեմ
Թուրքիայի նախագահ Ռեջեփ Թայիփ Էրդողանը դատական հայց է ներկայացրել երկրի գլխավոր ընդդիմադիր «Ժողովուրդների հանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի դեմ։
Թուրքական ընդդիմադիր «Cumhuriyet» թերթի կայքի տեղեկացմամբ՝ Էրդողանի փաստաբան Հյուսեյին Այդընի կողմից դատարան ներկայացված հայցում Քըլըչդարօղլուն մեղադրվել է 2018թ․ հունվարի 5-ին Ստամբուլի Բեշիքթաշ շրջանում ունեցած ելույթի ժամանակ Էրդողանի վերաբերյալ սուր վիրավորական հայտարարություններ անելու մեջ։ Ընդդիմադիր առաջնորդից որպես բարոյական փոխհատուցում 150․000 թուրքական լիրա (40․500 դոլար) է պահանջվել։
Նշենք, որ Բեշիքթաշի ԺՀԿ-ական թաղապետ Մուրաթ Հազինեդարի՝ աշխատանքից հեռացվելու փաստի դեմ բողոքով հանդես եկած Քըլըչդարօղլուն իր ելույթում ասել էր․ «Դու մեղադրում ես մեր թաղապետին՝ գյուլենականների (FETÖ) հետ կապի մեջ։ Ես շատ լավ գիտեմ, թե դու որքան լավ գյուլենական ես։ Դու և FETÖ-ն նույն ամանից եք սնվում։ Գիտեմ՝ հիմա այստեղ այսպես խոսելուս համար նորից փոխհատուցման պահանջով դատական հայց կհարուցեք»։
Էրդողանի փաստաբանի ներկայացրած հայցում մասնավորապես նշված է․ «Մեր հանրապետության նախագահի վերաբերյալ պատասխանողի կողմից կատարած հայտարարությունները, որոնցով փորձ է արվում նախագահին մեղադրել FETÖ-ի հետ կապի մեջ, պետք է գնահատել որպես CHP – FETÖ կապի քողարկման ու ուշադրություն շեղելու փորձ․ մի կապ, որն արդեն հնարավոր էլ չէ քողարկել»։
Դատական հայցում նշել է նաև, որ Քըլըչդարօղլուի հայտարարությունները չի կարելի արդարացնել խոսքի ազատության իրավունքով, քանի որ դրանք ոտնահարում են ուրիշի անձնական կյանքի իրավունքը։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայ-թուրքական հարաբերությունները կշարունակեն մնալ վերականգնման փուլում, բայց դեռ երկար ժամանակ չեն վերականգնվի։
Արհեստական բանականության կողմից հավաքագրված տվյալների հիման վրա պատրաստվել է զեկույց։
Ադրբեջանցիներին հաջորդում են թուրքմենները (9.8%), ուզբեկները (7.6%), ռուսները (7.5%) և իրանցիները (5.9%)։
Հարցումները ցույց են տալիս, որ թուրքերն ամենաշատը վստահում են ադրբեջանցիներին, իսկ ադրբեջանցիները՝ թուրքերին։
Թուրքական մամուլում լայնորեն տարածվել է հանդիպման լուսանկարը, որտեղ երևում է Էրդողանի ձեռքի ծրարը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |