Կայացել է Էրդողան-Թրամփ հանդիպումը

Քաղաքական11:21, 25 Հունիս 2025

Կայացել է Էրդողան-Թրամփ հանդիպումը

Նիդերլանդներում ընթացող ՆԱՏՕ-ի գագաթնաժողովի շրջանակներում Թուրքիայի նախագահ Ռեջեփ Թայիփ Էրդողանը հանդիպել է ԱՄՆ նախագահ Դոնալդ Թրամփի հետ։

Հանդիպումը կայացել է մամուլի համար դռնփակ ռեժիմով։ Նախագահները քննարկել են երկկողմ հարաբերությունները, տարածաշրջանային և գլոբալ հարցեր։

Թուրքիայի ղեկավարը նշել է, որ երկու երկրները մասնավորապես՝ էներգետիկ և ներդրումային ոլորտներում մեծ ներուժ ունեն։ Ըստ Էրդողանի՝ ռազմարդյունաբերական համագործակցության զարգացումը կնպաստի, որ երկուստեք առևտրաշրջանառության ծավալը հասնի 100 մլրդ դոլարի։

Էրդողանը ողջունել է Իսրայելի և Իրանի միջև Թրամփի ջանքերով hաստատված հրադադարը և հույս հայտնել, որ այն կլինի մշտական։

Կողմերը նաև քննարկել են Ռուսաստանի և Ուկրաինայի միջև ընթացող պատերազմի խաղաղ լուծումը և Գազայում տիրող իրավիճակը։

Հանդիպումը լայն տարածում է գտել թուրքական մամուլում, հատկապես քննարկման առիթ է դարձել Էրդողանի ձեռքի ծրարը։ Սոցցանցերի օգտատերերի մոտ հարց է առաջացել, թե ինչ է ծրարի մեջ։

Աղբյուր` trthaber.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: