Թուրքիայում շուրջ 4 միլիոն երեխա է աշխատում

Հասարակական15:34, 12 Հունիս 2025

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի երեխաների իրավունքների պաշտպանության կենտրոնը, կապված հունիսի 12-ի՝ Երեխաների աշխատանքի դեմ պայքարի համաշխարհային օրվա հետ, հանդես է եկել հայտարարությամբ՝ ուշադրություն հրավիրելով Թուրքիայում երեխաների աշխատանքի ծավալներին։

Հայտարարության մեջ նշվել է, որ ըստ Թուրքիայի վիճակագրական կազմակերպության, գրանցված աշխատող երեխաների թիվը կազմում է 1 միլիոն 372 հազար, իսկ ոչ պաշտոնապես աշխատող երեխաների հետ միասին այդ թիվը հասնում է 3-4 միլիոնի։

Փաստաբանական պալատի վարչության անդամ Բերիվան Զերին նշել է, որ երեխաների աշխատանքը գնալով ավելի է տարածվում, իսկ պետությունը չի կատարում իր պարտականությունները։

Ըստ ՏՀԶԿ (OECD) տվյալների՝ Թուրքիայում 6.5 միլիոն երեխա ապրում է «ծայրահեղ աղքատության» մեջ․ յուրաքանչյուր հինգերորդ երեխան բավարար սնունդ չի ստանում, իսկ յուրաքանչյուր չորրորդը սոված գնում է դպրոց։

Բերիվան Զերին ընդգծել է, որ հատկապես Մասնագիտական կրթության կենտրոններում (MESEM) աշխատող երեխաները գտնվում են վտանգի տակ՝ հայտնելով, որ 2023-2024 ուսումնական տարվա ընթացքում MESEM-ի շրջանակում 9 աշակերտ է մահացել աշխատանքային պատահարների արդյունքում, իսկ 2025 թվականի առաջին 106 օրում՝ ընդհանուր առմամբ 19 երեխա։

Նա նաև նշել է, որ երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

Աղբյուր` Ermenihaber.am

Այս ենթաբաժնի վերջին նորությունները

16:28, 13 հուն

Թուրքիայում ինտերնետը դանդաղել է կիբերհարձակման պատճառով

Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։