Ցեղասպանություն07:58, 22 Ապրիլ 2016
Թուրքիայում Հայոց ցեղասպանության հիշատակին նվիրված միջոցառում է անցկացվել
Թուրքիայի Մերսին նահանգի Աքդենիզ շրջանում Հայոց ցեղասպանության 101-րդ տարելիցին նվիրված միջոցառում է անցկացվել: Թուրքական «Dicle» լրատվական գործակալության տեղեկացմամբ՝ միջոցառումը կազմակերպվել է ընդդիմադիր «Ժողովուրդների դեմոկրատական կոնգրեսի» (ԺԴԿ-HDK) և «68-ականներ» նախաձեռնության կողմից:
«101 տարի առաջ և հետո չփոփոխվող պետական մտածողությունն ու հայ հեղափոխական գործիչ Փարամազը» խորագիրը կրող միջոցառմանը որպես բանախոսներ հանդես են եել գրող Քադիր Աքընը և լրագրող Արիս Նալջըն:
Միջոցառմանը ներկա են գտնվել նաև վերոհիշյալ կուսակցության մի շարք ներկայացուցիչներ, Աքդենիզի ՏԻՄ ղեկավարներ, «Ճնշվածների սոցիալիստական» կուսակցության (ՃՍԿ - ESP) և «Հեղափոխական կուսակցության» (ՀԿ- DP) ներկայացուցիչները:
Ելույթով հանդես եկած Քադիր Աքընը հիշեցրել է, որ Հայոց ցեղասպանությանը զոհ է գնացել առնվազն 1 մլն հայ: Նա շեշտել է, որ թուրքական ղեկավարությունը միշտ վարել է ցեղասպանության և կոտորածների քողարկման, կոծկման քաղաքականություն: Ըստ բանախոսի՝ նախ հույներին, իսկ այնուհետև հայերին ցեղասպանության ենթարկելու հիմնական դրդապատճառն այն էր, որ 1900-ականների սկզբին Օսմանյան կայսրությունը մեծ հողեր էր կորցրել և մտավախություն ուներ, որ կարող է կորցնել նար Անատոլիան:
Աքընն ընդգծել է նաև, որ օսմանյան կառավարությունը իրեն արդարացնելու համար ժողովրդին ներշնչում էր. «Եթե մենք նրանց չկոտորենք, նրանք մեզ կկոտորեն: Հայերը համագործակցել են իմպերիալիստների հետ և արժանի են կոտորածի»: Նման քարոզչությամբ թուրքական կառավարությունը փորձում էր օրինականացնել իր գործած հանցանքները:
Իսկ լրագրող Արիս Նալջըն նշել է, որ հայերի կոտորածների իրական պատճառների ու հետևանքների վերաբերյալ ավելի ամբողջական տեղեկություններ կարելի է ստանալ Բուլղարիային վաճառված որոշ փաստաթղթերից:
«Քաղաքական ակտիվություն ցուցաբերել ցանկացող հայերին ճնշումների էին ենթարկում և թույլ չէին տալիս քաղաքական դաշտ մտնել: 100 տարի առաջ Ցեղասպանության ենթարկված հայերի ենթագիտակցության մեջ ամրացած վախը մինչ օրս ստիպում է նրանց թաքցնել իրենց ինքնությունը», - ասել է նա:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |