Հրեա լրագրող. «Իսրայելի հաջորդ թիրախը Թուրքիան է»

Քաղաքական13:44, 18 Հունիս 2025

Հրեա լրագրող. «Իսրայելի հաջորդ թիրախը Թուրքիան է»

Իսրայելցի լրագրող Էյալ Բերկովիչը սոցիալական ցանցերում հանդես է եկել ուշագրավ հրապարակումներով։ Նա նշել է․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ եզրափակիչը Թուրքիայի հետ կանցկացնենք»:

Այս խոսքերին արձագանքել է թուրքական «Ազատ դատ» կուսակցության (Hür Dava Partisi) պատգամավոր Շահզադե Դեմիրը։ Սոցիալական ցանցում թուրք պատգամավորն արել է հետևյալ գրառումը․ «Նման խոսքերը փաստորեն արդեն բացեիբաց են ասվում: Մեր շուրջը բոլորը չեզոքացվում են։ Հերթը մեզ է հասնում, իսկ մենք շարունակում ենք հանդիսատեսի կարգավիճակով հետևել, դա մեզ ուղղակի թիրախ է դարձնում։ Երբ այս «հրեշի» հարևաններին կուլ տալու պլանն ավարտվի, հերթը Թուրքիային է հասնելու»:

Թուրք պատգամավորը պահանջել է նույնականացնել Թուրքիայում ազգանունների օրենքից հետո իրենց անունները փոխած հրեաների ինքնությունը։ Նա հայտարարել է, որ գործը պիտի սկսել երկքաղաքացիության կարգավիճակ ունեցողներից և հնարավորինս արագ ազգանունների ուսումնասիրություն իրականացնել։

Դեմիրը նաև նշել է, որ բոլոր այն հաստատությունները և բոլոր նրանք, որոնք Իսրայելի հետ առևտրական, ռազմական, հետախուզական, մշակութային կամ նույնիսկ կրթական համագործակցության մեջ են, «կանգնած են ծանր հարված ստանալու վտանգի առաջ»:

Աղբյուր` dogruhaber.com.tr

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: