Էրդողանի փեսան համագործակցում է Իսրայելին զենք մատակարարող ընկերության հետ

Քաղաքական17:22, 17 Հունիս 2025

Էրդողանի փեսան համագործակցում է Իսրայելին զենք մատակարարող ընկերության հետ

Թուրքիայի նախագահ Ռեջեփ Թայիփ Էրդողանի փեսա Սելչուք Բայրաքթարին պատկանող «Baykar» ընկերությունը համագործակցության պայմանագիր է ստորագրել իտալական «Leonardo» ընկերության հետ:

Վերջինս հայտնի է Իսրայելի համար զենք և ռազմական տեխնոլոգիաների մատակարարմամբ, ինչի պատճառով հաճախ բողոքի է ենթարկվում մարդու իրավունքների միջազգային կազմակերպությունների կողմից:

Պայմանագիրը ստորագրվել է Փարիզում ընթացող ավիացիոն ցուցահանդեսի ժամանակ «Baykar» ընկերության գլխավոր գործադիր տնօրեն Սելչուք Բայրաքթարի և «Leonardo»-ի գլխավոր գործադիր տնօրեն Ռոբերտո Չինգոլանիի միջև: «LBA Systems» անունով նոր համատեղ ձեռնարկությունը կտեղակայվի Իտալիայում, սակայն արտադրությունը կիրականացվի երկու երկրներում էլ:

Սելչուք Բայրաքթարը հայտարարել է, որ այս գործընկերությունը պարզապես տեխնիկական համագործակցություն չէ, այլ նաև «Բայքար» ընկերության գլոբալ տեսլականի մաս է կազմում:

Նախագահ Էրդողանի փեսային պատկանող ռազմարդյունաբերական ընկերության համագործակցությունը Իսրայելի հետ սերտ կապեր ունեցող ընկերության հետ թուրք հասարակության մեջ բողոքի մեծ ալիք է բարձրացրել։

Աղբյուր` kronos38.news

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: