Հոդված14:09, 16 Ապրիլ 2025
Ֆրանսիական մամուլ. «Աֆրիկայում ԱՄՆ-ի ու Ֆրանսիայի բացերը լրացնում է Թուրքիան»
Ֆրանսիայում գործող «AFP» լրատվական գործակալությունը հրապարակել է վերլուծական հոդված՝ Աֆրիկայում Թուրքիայի աճող ազդեցության և վերջերս անցկացված Անթալիայի դիվանագիտական ֆորումի (ԱԴՖ) արդյունքների վերաբերյալ։
Մասնավորապես նշվում է, որ Թուրքիան իր աֆրիկյան քաղաքականության մեջ դիվանագիտությունն ու ռազմարդյունաբերությունը դարձրել է շարժիչ ուժ։ Վերլուծական հոդվածում նշվում է, որ ԱՄՆ-ի ու Ֆրանսիայի վակումը/ բացերը լրացնում է Թուրքիան։
Մինչ մյուս գլոբալ տերությունները վերանայում են իրենց աֆրիկյան ռազմավարությունները, Անկարան իրեն դիրքավորում է որպես միջնորդ, պաշտպանական դաշնակից և զարգացման գործընկեր: Հիշատակվել է Թուրքիայի որպես միջնորդ հանդես գալը Եթովպիայի և Սոմալիի հարցում։
Անդրադառնալով ապրիլի 11-ից 13-ը Անթալիայում կայացած դիվանագիտական ֆորումին՝ ընդգծվել է, որ Աֆրիկայից ներկա են գտնվել մի շարք երկրների բարձրաստիճան պաշտոնյաններ, որոնց թվում է եղել նաև Սոմալիի նախագահ Հասան Շեյխ Մոհամուդը։
Նշվում է, որ աֆրիկյան երկրներն այլընտրանք են փնտրում, և Թուրքիան այդ տարբերակներից մեկն է և Թուրքիայի ներկայությունը լավ արձագանք է գտել Աֆրիկայում։
Ընդգծվում է, որ Թուրքիայի նախագահ Ռեջեփ Թայիփ Էրդողանի անձնական դիվանագիտությունը նույնպես ամրապնդում է աֆրիկյան երկրների հետ ռազմավարությունը։ Ֆորումի ժամանակ դա երևաց ամենաբարձր մակարդակով, երբ Էրդողանը հանդիպեց Սոմալիի նախագահի հետ:
Որպես ամփոփում նշվել է, որ Թուրքիայի աճող հետքը Աֆրիկայում՝ ռազմական, քաղաքական և տնտեսական իրեղեն առաջարկներով ազդարարում է մայրցամաքի գլոբալ դաշինքներում մեծ տեղաշարժ, և այդ տեղաշարժը ձևավորվում է ոչ թե պատմական կապերով, այլ նոր գլոբալ իրականությամբ:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Մինչ Թուրքիայում իրենց «կարմիր» անցյալը թողած վազում են կապույտ երազանքների հետևից, Հայաստանում օրը սև է, կորուստը` դառը:
Հոդվածում նշվում է, որ մինչ մյուս գլոբալ տերությունները վերանայում են իրենց աֆրիկյան ռազմավարությունները, Անկարան իրեն դիրքավորում է որպես միջնորդ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |