2023-ի ուժգին երկրաշարժերից 2 տարի անց Թուրքիայում 650.000 մարդ դեռ բնակվում է վագոն-տնակներում

Հասարակական11:35, 10 Փետրվար 2025

2023-ի ուժգին երկրաշարժերից 2 տարի անց Թուրքիայում 650.000 մարդ դեռ բնակվում է վագոն-տնակներում

Թուրքիայի նախագահականի ռազմավարության և բյուջեի վարչությունը զեկույց է հրապարակել 2 տարի առաջ Քահրամանմարաշ (պատմ. Մարաշ) և Հաթայ նահանգներում գրանցված ուժգին երկրաշարժերի հետևանքների հաղթահարման գործընթացի վերաբերյալ:

Զեկույցում նշվում է, որ ցնցումներից հետո տուժածներին ապաստան տալու նպատակով երկրաշարժի գոտիներում տեղադրվել էր 395.000 վագոն-տնակ, որից 214.000-ը մինչ օրս շարունակում է մնալ որպես կացարան 650.000 քաղաքացու համար։

Տուժածներից 391.245 մարդ բնակարան ստանալու իրավունք է ստացել, բայց դեռևս բնակարան են ստացել միայն 201.431-ը։ Նշվում է, որ 189.814 մարդ մինչ օրս սպասում է պետության կողմից խոստացված բնակարանամուտին:

Հիշեցնենք որ, փետրվարի 6-ին Թուրքիայի Քահրամանմարաշ նահանգի Փազարջըք (7.7 մագնիտուդ) և Էլբիսթան (7․6 մագնիտուդ) շրջաններում տեղի էր ունեցել ուժգին երկրաշարժ, որը զգացվել էր նաև հարակից նահանգներում: Թուրքիայի «Արտակարգ իրավիճակների և աղետների վարչության» (AFAD) տեղեկացմամբ՝ երկրաշարժի հետևանքով զոհերի թիվը գերացանցել էր 50.000-ը:

Աղբյուր` Gazeteduvar.com.tr

Այս ենթաբաժնի վերջին նորությունները

10:34, 22 օգոս

Թուրքիան ՀՆԱ-ից ամենաքիչ ընտանեկան աջակցություն տրամադրող պետությունների թվում է

OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:

18:33, 21 օգոս

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: