ԱՄՆ-ն և Թուրքիան ավելի են խորացնում իրենց հարաբերությունները

Տնտեսական12:14, 17 Հուլիս 2023

ԱՄՆ-ն և Թուրքիան ավելի են խորացնում իրենց հարաբերությունները

ԱՄՆ-ի առևտրի պալատի ԱՄՆ-Թուրքիա գործարար խորհրդի տնօրեն Ջեննիֆեր Միելը հայտարարել է, որ առաջիկա ամիսներին ԱՄՆ-ի և Թուրքիայի միջև Վաշինգտոնում և Անկարայում սպասվում են ներդրումային և առևտրային բանակցություններ: Նաև նշել է, որ երկու երկրների միջև ավելի բարձր մակարդակի համագործակցության դեպքում այս բանակցությունները կողմերի համար լավ արդյունքների կհանգեցնեն։

Շեշտել է, որ այս բանակցությունները կմիավորեն թուրք քաղաքական գործիչներին ԱՄՆ-ի գործընկերների հետ՝ բարելավելու շուկայի հասանելությունը և խորացնելու համագործակցությունը թվային առևտրի, էներգետիկայի և կլիմայի ոլորտներում, իսկ մասնավոր սեկտորը կաջակցի կառավարության բանակցություններին, կներկայացնի փոխանցեն իրական տնտեսության վրա կառավարության կարգավորումների ունեցած ազդեցությունը։

Միելը նաև հայտարարել է, տնտեսության նոր թիմը լավ է մեկնարկել և ամերիկյան ընկերություններն ուշի-ուշով հետևում են Թուրքիայի մակրոտնտեսական բարեփոխումներին և գործարար միջավայրի բարելավմանը։ Ինչպես նաև հավելել է, որ ՆԱՏՕ-ն միասնության զորեղ ազդակ է տվել հատկապես պաշտպանական և օդատիեզերական ընկերություններին և ըստ այդմ՝ հուլիսի 25-28-ը Ստամբուլում կանցկացվի պաշտպանական արդյունաբերության 16-րդ միջազգային տոնավաճառը (IDEF 2023), որի շրջանակներում ամերիկյան ընկերությունները կհանդիպեն թուրք պաշտոնյաների հետ։

Կողմերը նաև հանդիպումներ կանցկացնեն սեպտեմբերին Նյու Յորքում կայանալիք ՄԱԿ-ի գլխավոր ասամբլեայի ժամանակ, իսկ հոկտեբերին Թուրքիայում կնշեն Թուրքիայի Հանրապետության հիմնադրման 100-ամյակը և Ամերիկայի և Թուրքիայի բիզնես ոլորտում բարեկամության 100-ամյակը։

Աղբյուր` muglagazetesi.com.tr