Տնտեսական14:13, 15 Օգոստոս 2025
Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի
Թուրքիայի էներգետիկայի և բնական պաշարների նախարար Ալփարսլան Բայրաքթարը հարցազրույց է տվել «SKY News Arabia»-ին։ Հարցազրույցի ընթացքում նախարարն անդրադարձել է Ադրբեջանից Թուրքիայի տարածքով Սիրիա գազամատակարարմանը, Թուրքիա-Իրաք նավթատարին և Պակիստանի հետ նոր համաձայանգրեր ստորագրելուն։
Նշենք, որ Ադրբեջանից Սիրիա գազամատակարարումը սկսվել է սույն թվականի օգոստոսի 2-ից։ Բայրաքթարը նշել է, որ Ադրբեջանից Սիրիա օրական մատակարարվում է 3.4 մլն խմ գազ և մտադիր են այդ գծի թողունակությունը հասցնել 6 մլն խմ-ի։ Ըստ այդմ՝ նա նշել է, որ այս հզորությամբ Հալեպում և Հոմսում կարելի է արտադրել մոտավորապես 1200 մեգավատ էլեկտրաէներգիա։
Բայրաքթարը հայտնել է, որ ներկայումս Սիրիա է արտահանվում 281 մեգավատ էլեկտրաէներգիա ութ տարբեր միացման կետերից, և կարճ ժամանակում մտադիր են այդ թիվը հասցնել 360 մեգավատի, իսկ լրացուցիչ ներդրումների միջոցով՝ 900 մեգավատի։
Անդրադառնալով Թուրքիա-Իրաք նավթատարին՝ նախարարը նշել է, որ այդ նավթատարը, որի օրական հզորությունը կազմում է 1.5 միլիոն բարել, կես դար չի օգտագործվել ամբողջ հզորությամբ։
Նա նշել է, որ իրենք Իրաքի կառավարությանը տեղեկացրել են, որ այդ համաձայնագիրը չի բավարարում ներկայիս էներգետիկ կարիքները։ Ներկայացվել է նոր նախագիծ ու բանակցությունները շուտով կսկսվեն։ Նախարարի նշմամբ, նպատակադրվածություն կա շահագործել խողովակաշարն ամբողջ հզորությամբ։
Բայրաքթարը նաև նշել է, որ շուտով կստորագրվի համաձայնագիր Պակիստանում նախկինում ձեռք բերված նավթի և գազի հետախուզման որոշ հանքավայրերի վերաբերյալ:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Նախարար Օմեր Բոլաթը նշել է, որ 2024-ին Աֆրիակայի հետ առևտրի ծավալներն աճել են ավելի քան 7 անգամ։
Ըստ Թուրքիայի էներգետիկայի և բնական պաշարների նախարարի՝ Թուրքիան վերականգնվող էներգիայի ցուցանիշներով աշխարհում 11-րդն է։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ մասին հայտնում են Թուրքիայի պաշտպանության նախարարության աղբյուրները։
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |