Ադրբեջանը երկրաշարժից տուժած Թուրքիային կտա 100 մլն դոլար օգնություն

Տնտեսական14:45, 19 Ապրիլ 2023

Ադրբեջանը երկրաշարժից տուժած Թուրքիային կտա 100 մլն դոլար օգնություն

Փետրվարի 6-ին Թուրքիայում (էպիկենտրոնը Քահրամանմարաշ քաղաք) տեղի ունեցած ավերիչ երկրաշարժների հետևանքները վերացնելու ուղղությամբ տարվող աշխատանքներում ակտիվ աջակցություն է ցուցաբերում Ադրբեջանը։

Վերջինս երկրաշարժից զգալիորեն ավերված Քահրամանմարաշ քաղաքի վերականգնման համար կհատկացնի 100 մլն դոլար օգնություն:

Այս մասին «Թուրքիա-Չինաստան Աշխատանքի զարգացման և աջակցման միության» կազմակերպած իֆթարի ժամանակ հայտարարել է Ադրբեջանի խորհրդարանի փոխնախագահի տեղակալ Ադիլ Ալիևը։

Իֆթար - հյուրասիրություն, ընթրիք՝ մահմեդական ծոմապահությունից դուրս գալու համար։

Նշվել է, որ Ադրբեջանի նախագահը որոշել է 100 մլն դոլար հատկացնել Քահրամանմարաշի վերականգնման և քաղաքում գտնվող Ադրբեջանի անվան պողոտայի վերակառուցման համար։

«Մոտ ժամանակներս կսկսենք աշխատանքները։ Ադրբեջանը հնարավոր ամեն բան կանի օգնելու նպատակով»,- ասել է Ադիլ Ալիևը և ավելացրել, որ այլ նահանգների համար ևս կտրամադրվի նյութական օգնություն։

Աղբյուր` tgrthaber.com.tr

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։