Foreign Policy. Թուրքիան շարունակում է ապրել Էրդողանի տնտեսության հետցնցումները

Տնտեսական15:24, 11 Ապրիլ 2023

Foreign Policy. Թուրքիան շարունակում է ապրել Էրդողանի տնտեսության հետցնցումները

Ամերիկյան «Foreign Policy» ամսագիրը հոդված է հրապարակել Թուրքիայում մայիսի 14-ին կայանալիք ընտրությունների, փետրվարին տեղի ունեցած երկրաշարժի և տնտեսական ճգնաժամի վերաբերյալ։ Հեղինակ Ստեֆանի Գլինսկին հոդվածը վերնագրել է «Թուրքիան շարունակում է ապրել Էրդողանի տնտեսության հետցնցումները»։

Հեղինակը գրել է, որ մոտեցող ընտրությունների ֆոնին՝ Թուրքիան շարունակում է երկրաշարժից հետո ապրել հետշոկային վիճակ, սակայն փորձում է կայունացնել նաև դրամական միավորը։

Հոդվածում, որի համար հեղինակը զրուցել է Թուրքիայում աշխատող մարդկանց և մանր բիզնեսի ներկայացուցիչների/առևտրականների հետ, հիշեցրել է, որ, երբ Էրդողանը եկավ իշխանության, 2001-ի տնտեսական ճգնաժամից Թուրքիան նոր էր դուրս գալիս։

Գլինսկին, ով նշում է, որ տնտեսությունն սկսել է աճել նախորդ 10 տարում, գրել է, որ Covid-19 համաճարակից հետո առաջացած տնտեսական դժվարություններից հետո Կենտրոնական բանկը, ի տարբերություն այլ կենտրոնական բանկերի, Էրդողանի պնդմամբ շարունակել է նվազեցնել ինֆլյացիայի դեմ քաղաքականության տոկոսն աճի պատրանքը շարունակելու համար։

Հիշեցնելով, որ Համաշխարհային բանկը երկրաշարժի ծախսը հաշվարկել է 34.2 մլրդ դոլար, հեղինակը հոդվածն ավարտել է տնտեսագետ Մուստաֆա Սյոնմեզի խոսքերով. «Սա առնվազն 100 միլիարդ դոլարի կարող է հասնել: Ինչ էլ լինի գալիք ամսվա ընտրություններին, նոր կառավարությունը կբախվի բազմաթիվ մարտահրավերների, ներառյալ երկրաշարժը և տնտեսության բարելավվումը»:

Աղբյուր` gazeteduvar

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։