Տնտեսական16:18, 28 Մարտ 2023
Էրդողանը նախընտրական ծրագիր է ներկայացրել
Թուրքիայի նախագահ Ռեջեփ Թայիփ Էրդողանը մայիսի 14-ին կայանալիք համապետական ընտրություններին ընդառաջ սկսել է մանրամասնություններ հայտնել «Արդարություն և զարգացում» կուսակցության (ԱԶԿ-AKP) նախընտրական ծրագրի վերաբերյալ։
Թուրքական իշխանամետ «Sabah» կայքի հայտնած տեղեկության համաձայն՝ Էրդողանը նախատեսում է այցելություններ երկրի տարբեր նահանգներ, այդ թվում՝ աղետի գոտի։ Հանդիպումներ կունենա քաղաքացիների հետ։
Նշվում է, որ իշխանությունը պլանավորում է հսկայական նախագծեր իրականացնել՝ Սև ծովի բնական գազից մինչև «Անադոլու» դեսանտային նավ, «Քըզըլ էլմայից» (Baykar ընկերությանը պատկանող ԱԹՍ-խմբ․) մինչև արագընթաց գնացքի գծերի կառուցում: Ընտրական ծրագրի ամենակարևոր մասը կազմելու են երկրաշարժի գոտուն վերաբերող նախագծերը։ Թուրքիայի յուրաքանչյուր նահանգում նախատեսվում է սկսել ուժեղ քաղաքային վերափոխում: Քայլեր կձեռնարկվեն քաղաքներն առավել դիմակայուն դարձնելու համար։ Յուրաքանչյուր նահանգի համար կտրվի հատուկ պլան:
Ընդգծվել է, որ Ստամբուլի վերափոխման համար նույնպես հատուկ ծրագիր է պատրաստվում։ Նախընտրական ծրագրի կարևոր ուղղություններից մեկը լինելու է տնտեսությունը։ Հաշվի առնելով աշխարհում տեղի ունեցող զարգացումները՝ «Տնտեսության նոր մոդելը» կթարմացվի՝ դառնալով «Կրեատիվ տնտեսական մոդել»։ Նախընտրական ծրագրում մանրամասնորեն ներառվելու են նաև կանանց իրավունքները։
Այս ենթաբաժնի վերջին նորությունները
Թուրքիայի տարածքային ենթակառուցվածքների նախարարը հաղորդագրություն է տարածել։
Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |