Թուրքիայի էներգետիկ կախվածությունը Ռուսաստանից մեծացել է

Տնտեսական23:56, 13 Մարտ 2023

Թուրքիայի էներգետիկ կախվածությունը Ռուսաստանից մեծացել է

2022-ին Ռուսաստանի Դաշնությունից Թուրքիա ներկրվող էներգակիրների ծավալները զգալիորեն մեծացել են: Այս մասին հայտնի է դարձել «Ember» միջազգային վերլուծական կենտրոնի հրապարակած զեկույցից: Ռուսաստանը դարձել է Թուրքիայի թիվ 1 ածուխի մատակարարը 2022-ին՝ մատակարարելով 2021-ի համեմատ գրեթե կրկնակի ավել ծավալով ածուխ:

«ՌԴ-ն 2022–ին մատակարարել է Թուրքիա ներմուծված 5.3 մլրդ դոլարի ածխի գրեթե կեսը, այնինչ 2021-ին ռուսական կողմի մասնաբաժինը կազմել է 26%»,- տեղեկացրել է կենտրոնի թուրքական գրասենյակի ղեկավար Ուֆուք Ալփարսլանը:

Վերջինս նշել է, որ ներկայում Ռուսաստանն է մատակարարում Թուրքիա ներմուծվող բնական գազի ու նավթամթերքի շուրջ 40-45%-ը՝ ակնարկելով Ռուսաստանից Թուրքիայի էներգետիկ կախվածության մեծացման մասին: Ալփարսլանը հիշեցրել է նաև, որ Թուրքիայի Մերսին նահանգում կառուցվող երկրի առաջին ատոմակայանի նախագիծը նույնպես պատկանում է ռուսական կողմին:

Ավելացնենք, որ տարբեր տվյալներով 2022-ին Թուրքիա մատակարարված նավթամթերքի և հում նավթի ծավալները 2021-ի համեմատ ևս մեծացել են ավելի քան 2 անգամ:

Աղբյուր` Diken

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։