Թուրքիայում ոգևորված են բնական գազի հանքավայրերի հայտնաբերումից

Տնտեսական12:57, 28 Դեկտեմբեր 2022

Թուրքիայում ոգևորված են բնական գազի հանքավայրերի հայտնաբերումից

Թուրք պրոֆեսոր Իսհաք Թուրանը հայտարարել է, որ եթե Թուրքիան շարունակի իր ներկայիս ազգային էներգետիկ քաղաքականությունը, ապա առաջիկա տարիներին էապես կնվազեցնի իր արտաքին կախվածությունը բնական գազի և նավթի առումով։

Թուրանը շեշտել է, որ վերջերս «Չայկումա-1» հորատանցքից 58 մլրդ խմ բնական գազի հայտնաբերումը իրենց համար խիստ ուրախալի է։ Քանի որ բնական գազի հարցում Թուրքիան գրեթե ամբողջությամբ կախված է արտաքին աշխարհից, հետևաբար, ըստ պրոֆեսորի, բնական գազի յուրաքանչյուր խորանարդ մետրի հայտնաբերումը չափազանց կարևոր է Թուրքիայի էներգետիկ անվտանգության և արդյունաբերության համար։

Նշենք, որ Թուրքիան իր սպառած բնական գազի 99.5 տոկոսը ներմուծում է այլ երկրներից (Ռուսաստան, Իրան, Ադրբեջան, Ալժիր)։ Տարեկան Թուրքիան սպառում է միջինը 58-60 մլրդ խմ բնական գազ և հանդիսանում է Եվրոպայում բնական գազի ամենախոշոր սպառողներից մեկը։ Օրինակ՝ 2021-ին Եվրոպայում բնական գազի տարեկան սպառման ցուցանիշով Թուրքիան զիջել է միայն 3 երկրի՝ Գերմանիային, Մեծ Բրիտանիային և Իտալիային։

Պրոֆեսորը հույս է հայտնել, որ 2023թ. ևս Թուրքիայում կհայտնաբերվեն բնական գազի պաշարների հանքավայրեր։ Ըստ Իսհաք Թուրանի՝ 2025թ. վերջին նախատեսվում է մոտավորապես 15 մլրդ խմ բնական գազի արդյունահանում։ Այդ ծավալը համապատասխանում է Թուրքիայի բնակիչ բաժանորդների սպառած բնական գազի քանակին։ Սա նշանակում է, որ այդ առումով Թուրքիան ինքնաբավ լինելու «հայտ է ներկայացնում»։

«Սա մեզ ցույց է տալիս, որ մեր երկրի բնակարաններում մոտ 47 տարի սպառվող բնական գազը ոչ թե կներմուծվի դրսից, այլ արդեն կմատակարարվի Սաքարյա գազի հանքավայրից»,- ակնկալում է թուրք պրոֆեսորը։

Աղբյուր` TRThaber

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։