Թուրքիայի արդարադատության նախարարը ևս թիրախավորել է Կարո Փայլանին

Ցեղասպանություն11:56, 24 Ապրիլ 2022

Թուրքիայի արդարադատության նախարարը ևս թիրախավորել է Կարո Փայլանին

Թուրքիայի ընդդիմադիր քրդամետ «Ժողովուրդների դեմոկրատական կուսակցության» (HDP) հայ պատգամավոր Կարո Փայլանը Հայոց ցեղասպանությունը ճանաչելու օրինագիծ է ներկայացրել Թուրքիայի խորհրդարան (մեջլիս):

Թուրքիայի արդարադատության նախարար Բեքիր Բոզդաղը Twitter-ի իր միկրոբլոգում մի քանի գրառմամբ անդրադարձել է հայ ընդդիմադիր պատգամավորի նախաձեռնությանը՝ այն անվանելով «զրպարտություն» և «հրապարակային վիրավորանք»։

«Թուրքիայի ազգային մեծ ժողովը մեր ազգի, մեր նախնիների, մեր պետության ու պատմության հասցեին զրպարտություններ պարունակող օրինագծեր քննարկելու վայր չէ։ Շատ ճիշտ որոշում էր, որ Թուրքիայի խորհրդարանի նախագահ Մուստաֆա Շենթոփը հետ է ուղարկել այդ զրպարտիչ առաջարկը»։

Բոզդաղը քննադատել է թե Կարո Փայլանին և թե նրա անդամակցած կուսակցությանը՝ նման օրինագծի պատրաստում թույլ տալու համար։

Նշենք, որ ավելի վաղ էլ Էրդողանի գլխավորած կուսակցության մամուլի խոսնակ Օմեր Չելիքն էր դատապարտել է Կարո Փայլանի արարքը։

Աղբյուր` Dogan Haber

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։