Հարցազրույց11:41, 30 Սեպտեմբեր 2021
Պոլսահայ երգչուհի Սիբիլ. «Հիմա արդեն Թուրքիայում չեմ զգում այն նույն հանգստությունը» (Տեսանյութ)
Պոլսահայ հայտնի երգչուհի Սիբիլը Ermenihaber.am-ի հետ զրույցում խոսել է իր նոր երգի, կարիերայի և որպես հայ Թուրքիայում ստեղծագործական գործունեության դժվարությունների մասին:
- Սիբիլ, սեպտեմբերի 10-ին երաժշտասերների դատին հանձնեցիք «պատերազմներում որբացած երեխաներին» նվիրված «Ավրորայի աղոթքը» երգը։ Ինչպե՞ս ծնվեց երգի գաղափարը։
- «Ավրորայի աղոթքը» գրվել է 4 տարի առաջ երգի հեղինակ Հասմիկ Հախվերդյանի կողմից: Հասմիկը ստեղծագործելիս, մտածել է անցյալի և ընթացող պատերազմների և այդ պատերազմների արդյունքում տեղի ունեցած խորը ցավերի մասին:
Հակիրճ ասած, երգի բովանդակությունը աշխարհում բոլոր պատերազմներում որբացած անմեղ երեխաների համար աղոթք է՝ ուղղված Մարիամ Աստվածածնին:
Երգի խոսքերը և երաժշտությունը ինձ վրա խորը հետք էին թողել: Այս աղոթքը ոչ թե իմ, այլ մեր բոլորի աղոթքը պետք է լիներ: Կարող եմ ասել, որ բավական շատ ջանք ենք գործադրել թե՛ երգի ձայնագրման ընթացքում, և թե՛ տեսահոլովակի նկարահանումների ժամանակ: Երկար սպասումից ու աշխատանքից հետո սեպտեմբերի 10-ին մենք այն ներկայացրեցինք հանդիսատեսի դատին: Երգի անգլերեն, ֆրանսերեն, ռուսերեն, արաբերեն և թուրքերեն թարգմանություններն առկա են YouTube-ում՝ այն ավելի մատչելի և հասկանալի դարձնելու համար:
- Որպես հայ երգչուհի՝ հե՞շտ է ապրել և ստեղծագործել Թուրքիայում։
- Պարբերաբար հանդիպվող երևույթ չէ, որ իմ երգերը ցուցադրվում են հեռուստաալիքներով կամ հնչում են ռադիոյով:
10 տարի առաջ, երբ թողարկեցի իմ առաջին ալբոմը, մամուլի մեծ ուշադրությանն էի արժանացել:
Իմ «Նամակ» երգը, որը Թուրքիայում նկարահանված և թողարկված առաջին հոլովակն է, հեռարձակվել է բազմաթիվ ալիքներով, այդ թվում՝ պետական հեռուստատեսությամբ՝ TRT-ով: Սակայն չեմ կարող ասել, որ այժմ նույն հարմարավետությունն ու հեշտությունը զգում եմ: Բարեբախտաբար, համացանցի շնորհիվ ես հասնում եմ իմ լսարանին և ստանում շատ դրական արձագանքներ:
- Թուրքիայում հայերեն երգեր թողարկելուց հետո ինչ-որ խնդիրների հանդիպե՞լ եք և եթե այո, ապա ինչպիսի՞։
- Ոչ մի խնդրի չեմ բախվել: Ընդհակառակը, շատ դրական մեկնաբանություններ և գովասանքի խոսքեր եմ ստացել: Ես գիտեմ, որ կան մարդիկ, ովքեր հաշվի են առնում երաժշտության համամարդկային բնույթը և հիացմունքով ու գնահատանքով են վերաբերվում իմ աշխատանքին:
- Առաջիկայում ի՞նչ ծրագրեր ունե՞ք։ Հնարավո՞ր է համերգային ծրագրով հանդես գաք Հայաստանում։
- Նոր երգեր եմ ունենալու: Իմ «Ավրորայի աղոթքը» երգը դեռ շատ նոր է: Ինձ համար շատ կարևոր է, որ այն լսելի դարձնեմ… Ես նույնպես շատ եմ ցանկանում համերգային ծրագրով հանդես գալ Հայաստանում: Եթե կարողանանք լուծել ֆինանսական խնդիրները, ապա ինձ սիրողների ու ինձանից համերգ ակնկալողների ցանկությունները ի կատար կածվեն:
Այս ենթաբաժնի վերջին նորությունները
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Պատգամավորը հայտնում է, որ ասորիների թիվն այժմ տարածաշրջանում խիստ նվազել է։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |