Թուրք վերլուծաբան. «Հայաստանն առանց Թուրքիայի չի կարող առաջ շարժվել»

Հոդված14:00, 24 Հունիս 2021

Թուրք վերլուծաբան. «Հայաստանն առանց Թուրքիայի չի կարող առաջ շարժվել»

Թուրքական ազգայնամոլական «Yeni çağ gazetesi» թերթի կայքում «Հայաստանն առանց Թուրքիայի չի կարող առաջ շարժվել» վերնագրով հոդված է հրապարակվել։ Հեղինակ Արսլան Թեքինը իր հոդվածում անդրադարձել է Հայաստանում անցկացված արտահերթ խորհրդարանական ընտրություններին և վարչապետի պաշտոնակատար Նիկոլ Փաշինյանի տարած հաղթանակին:

Թուրք վերլուծաբանի դիտարկմամբ՝ Փաշինյանի հաղթանակը նշանակում է, որ հայ ժողովուրդը պատերազմ չի ուզում և ընդունում/համակերպվում է այն հանգամանքի հետ, որ «Ադրբեջանը վերադարձրել է իր հողերը»: Թեքինը նախ հիշեցրել է Փաշինյանի այն արտահայտությունը, որ «թշնամությունը պետք է կառավարելի դարձնել», ապա հավելել, որ անցյալում եղած տառապանքները եղել են երկուստեք ու դրանք պատմության մեջ պետք է մնան որպես ինչ-որ միջանկյալ ժամանակաշրջան:

Հոդվածի հեղինակը կարծում է, որ ամեն անգամ հետ գնալով՝ նոր վերքեր կբացվեն, իսկ ժողովուրդն էլ անվերջանալի լարվածության կմատնվի:

Թեքինը համոզունք ունի, որ թշնամությունը կառավարելի դարձնելու մասին Փաշինյանի արտահայտությունը ոչ այլ ինչ է, քան բաց դուռ է թողնել Թուրքիայի համար:

«Նոր իշխանությունը պիտի քննարկի բոլոր զարգացումները և մշակի ճանապարհային քարտեզ՝ տեսանելի ուղղությամբ: Նախ և առաջ իր ուղղությունը պետք է փոխի դեպի Անկարա:

Թուրքիան պատրաստ է ամեն տեսակ դռները բացել, միայն թե հայերը իրենց ազատագրեն Սփյուռքի բռնակալությունից և դատեն առողջ», եզրափակում է թուրք վերլուծաբանը։

Աղբյուր` Yeni çağ gazetes

Այս ենթաբաժնի վերջին նորությունները

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: