Տարոն Աջեմօղլու. «Կոռումպացված համակարգն արմատախիլ անելը հեշտ չի լինելու»

Տնտեսական08:12, 18 Մայիս 2018

Տարոն Աջեմօղլու. «Կոռումպացված համակարգն արմատախիլ անելը հեշտ չի լինելու»

Աշխարհահռչակ հայ տնտեսագետ Տարոն Աջեմօղլուն անդրադարձել է ՀՀ նորընտիր վարչապետ Նիկոլ Փաշինյանի հետ հեռախոսազրույցին: Թուրքիայում հրապարակվող հայկական «Ակօս» շաբաթաթերթին տված հարցազրույցում Աջեմօղլուն ներկայացրել է նաև Հայաստանի տնտեսության զարգացման շուրջ իր պատկերացումները:

Աջեմօղլուն, նշելով, որ Հայաստանի տնտեսությունը շատ է տուժել կաշառակերության և կոռուպցիայի պատճառով, հավելել է. «Հայաստանի հասարակությունում և արտասահմանում մեծ հույս է արթնացել, որ շրջադարձային փուլ կլինի: Այն, ինչն անհրաժեշտ է, հասարակական փոխակերպումն է, որը ճանապարհ կբացի դեպի ավելի մրցակցային, ավելի դինամիկ տնտեսություն»:

Անդրադառնալով վարչապետ Նիկոլ Փաշինյանի կողմից Հայաստան այցելելու հրավերին՝ Աջեմօղլուն նշել է, որ ապրելով Հայաստանից դուրս չգիտի, թե ինչպես և ինչ չափով կարող է օգտակար լինել, սակայն ուրախությամբ ջանքեր կգործադրի: Նա նշել է, որ առաջին իսկ հնարավորության դեպքում ցանկանում է Երևան այցելել, սակայն ժամկետներ չի նշել՝ ելնելով ընտանեկան պատճառներից:

«Հայաստանի ապագայի հարցում բոլորս պետք է լիահույս լինենք, բայց պետք է նաև ընդունենք, որ կոռումպացված համակարգն արմատախիլ անելը և կաշառակերության վրա հիմնված քաղաքական համակարգը վերափոխելը հեշտ չի լինելու: Սա հնարավոր կլինի միայն բազմավեկտոր մոտեցմամբ և նոր, լավ կրթված, իդեալիստ ու չկոռումպացված մարդկանց մուտքով քաղաքականություն»,- եզրափակել է տնտեսագետը:

Հիշեցնենք, որ ՀՀ Վարչապետ Նիկոլ Փաշինյանն օրեր առաջ ֆեյսբուքյան էջում հետևյալ գրառում էր կատարել.

«Հենց նոր հեռախոսազրույց ունեցա հայազգի աշխարհահռչակ տնտեսագետ Դարոն ԱՃեմօղլուի հետ:

Նա ասաց, որ պատրաստ է աջակցել Հայաստանին՝ տնտեսությունը վերականգնելու և զարգացնելու հարցում:

Պարոն Աջեմօղլուն ընդունեց Հայաստան այցելելու իմ հրավերը: Այցի ժամկետները կճշտվեն առաջիկայում»:

Աղբյուր` Agos

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։