Իրավական07:13, 09 Մարտ 2016
«Հայերի հրոսակախմբեր» արտահայտության համար Դավութօղլուի դեմ հայց է ներկայացվել դատախազություն
Թուրքիայի մարդու իրավունքների միության Ստամբուլի բաժանմունքի ռասիզմի և խտրականության դեմ հանձնաժողովը հայց է ներկայացրել Ստամբուլի գլխավոր հանրապետական դատախազություն՝ ընդդեմ վարչապետ Ահմեթ Դավութօղլուի և Աշքալեի քաղաքապետ Էնվեր Բաշարանի: Թուրքական «Demokrathaber.com» լրատվակայքի համաձայն՝ հայցի պատճառը թուրք պաշտոնյաների հակահայ և ցեղասպանամեծար հայտարարություններն են:
2016թ. փետրվարի 27-ին Բինգյոլում ելույթ ունեցած Դավութօղլուն, ցանկանալով քննադատել քրդամետ ընդդիմադիր «Ժողովուրդների դեմոկրատական» կուսակցությանը (ԺԴԿ-HDP), հետևյալ հայտարարությունն էր արել. «Նրանք շահարկում են Սուրում, Սիլոփիում տեղի ունացած դեպքերը: Հայերի հրոսակախմբերի պես համագործակցում են ռուսների հետ: Գնում ու Մոսկվայում ներկայացուցչություն են բացում»:
Իսկ մարտի 3-ին Էրզրումի Աշքալե շրջանում կազմակերպված մի միջոցառման ժամանակ քաղաքապետ Բաշարանն ասել էր. «Մեկ անգամ ևս ողորմությամբ և շնորհակալությամբ հարգում եմ հայերին այս հողերից արմատախիլ արած մեր փառահեղ նախնիների հիշատակը»:
Ռասիզմի և խտրականության դեմ հանձնաժողովի անդամ Էրեն Քեսքինը թեմայի վերաբերյալ կազմակերպված մամուլի ասուլիսի ժամանակ հնչեցրել է հետևյալ միտքը:
«Ձեր գոված այդ նախնիները հայերին ցեղասպանության ենթարկեցին, յուրացրեցին նրանց նյութական ունեցվածքը: Հաջորդ սերունդները նույն կերպ շարունակեցին այդ գործը: Հայերի և մյուս քրիստոնյա ժողովուրդների մշակութային ժառանգությունը ծրագրված կերպով ոչնչացրեցին:
Դա դեռ բավական չէր, հիմա էլ քրդերին եք հասկացնել տալիս, թե «հիշեք՝ ինչ ենք արել հայերի հետ: Ձեզ հետ էլ նույնը կանենք»:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |