Պարագվայի սենատը ճանաչել է Հայոց ցեղասպանությունը

Ցեղասպանություն07:28, 30 Հոկտեմբեր 2015

Պարագվայի սենատը ճանաչել է Հայոց ցեղասպանությունը

Պարագվայի սենատում ընդունվել է Հայոց ցեղասպանությունը ճանաչող և դատապարտող բանաձև։ Այս մասին տեղեկացնող «yerkirmedia.am» կայքը, վկայակոչելով ՀՅԴ Հարավային Ամերիկայի Հայ դատի հանձնախումբը, հայտնում է, որ բանաձևն ընդունվել է միաձայն։

Հրապարկված հռչակագրում, (բնօրինակը` ստորև) Պարագվայի սենատն արձանագրում է, որ «Ճանաչում է հայ Ժողովրդի ցեղասպանությունը, որն իրագործվել է 1915-23 թվականներին Օսմանյան Կայսրությունում, և ոգեկոչում է 100-րդ տարելիցը՝ իբրև մարդկության դեմ կատարված ոճիր»։

Փաստաթուղթը ստորագրել են Սենատի անդամները։ Սենատի որոշման մանրամասները Լատինական Ամերիկայից հեռախոսով փոխանցել է Դաշնակցության Բյուրոյի նախկին անդամ, «Սոցինտերնում» ՀՅԴ ներկայացուցիչ Մարիո Նալբանդյանը։

Նշենք, որ Հարավային Ամերիկյայի երկրներից Հայոց ցեղասպանության փաստը ճանաչել են Բրազիլիան, Բոլիվիան, Չիլին, Վենեսուելան, Արգենտինան, Ուրուգվայը, ինչպես նաև աշխարհամասի այլ երկրների բազմաթիվ քաղաքներ և նահանգներ:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։