Ցեղասպանություն07:58, 24 Ապրիլ 2015
Թուրքիայի քրդական կուսակցությունը ցեղասպանության զոհերի հիշատակին երթ է կազմակերպել
Թուրքիայի «Ժողովուրդների դեմոկրատական» կուսակցության (ԺՀԿ-HDP) Ստամբուլի տարածքային կառույցի կողմից քայերթ է անցկացվել նվիրված 1915 թվականի ապրիլի 24-ին ձերբակալված և մահվան ուղարկված հայ մտավորականների հիշատակին:
Ըստ թուրքական «Հյուրիյեթ» թերթի կայքի` ապրիլի 23-ին ժամը 19:00-ին Ստամբուլի հայաշատ Շիշլի թաղամասում անցկացված երթի մասնակիցները, ի հիշատակ 100 տարի առաջ իրականացված ցեղասպանության զոհերի, 100 անգամ զանգեր են հնչեցրել:
Երթի մասնակիցները, ձեռքներում պահած հայ մտավորականների նկարներն ու «Առերեսվիր ցեղասպանության հետ» վերնագրով պաստառները, շարժվել են դեպի Շիշլիի Փանգալթը թաղամաս: Ողջ ընթացքում հայկական երաժշտությամբ ուղեկցվող երթի ավարտին մասնակիցները Փանգալթըի մետրոի կայարանի մայթին մոմեր են վառել ու մեխակներ դրել:
Միջոցառման կազմակերպիչներից ԺԴԿ-ի Շիշլիի տարածքային կազմակերպության գործադիր մարմնի անդամ Մելիս Թանթանը ընթերցած հայտարարության մեջ ասել է. «Ուղիղ 100 տարի առաջ այս հողերը տեսել են պատմության ընթացքում երբևէ իրականացված ամենամեծ կոտորածները: Հազարավոր տարիներ այս հողերի վրա ապրած հայերի ու ասորիների նկատմամբ մեծ ցեղասպանություն է իրականացվել»:
Վերջինս խոսել է նաև հայերի գույքի բռնագրավումների ու եկեղեցիների կողոպուտի մասին: Թանթանը կոչ է արել Թուրքիային ճանաչել ցեղասպանությունը և բացել միակողմանիորեն փակած հայ-թուրքական սահմանը:
Այս ենթաբաժնի վերջին նորությունները
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Լավագույն տասնյակի մեջ Թուրքիայի զինված ուժերը զբաղեցնում են 3-րդ հորիզոնականը։
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Ռուսաստանը թուրքական նավահանգիստների միջոցով վառելիքի վաճառքից ստացել է մոտ 3 մլրդ եվրո։
Թուրքիայի վիճակագրական ինստիտուտի համաձայն՝ նրանց թիվը հասնում է 13 միլիոնի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |