Թուրքիայում հայտնաբերվել է խոշոր ածխավազան

Տնտեսական11:36, 25 Հունվար 2013

Թուրքիայում հայտնաբերվել է խոշոր ածխավազան

Թուրքիայի էներգետիկայի և բնական պաշարների նախարարության 4 տարվա որոնողական աշխատանքներն ավարտվել են հաջողությամբ: Թուրքիայի հարավ-արևմուտքում գտնվող Քոնիա Քարափընար վայրում հայտնաբերվել են գորշ ածուխի (լիգնիտ) հսկայական պաշարներ (1.8մլրդ տոննա): Հինգ հազար մեգավատ հզորությամբ աշխատող ջերմաէլեկտրակայանի (ՋԷԿ) համար 30 տարվա վառելիք հանդիսացող լիգնիտի այդչափ պաշարները նախատեսվում է ծառայեցնել երկրի տնտեսությանը. խթանել ածխի կիրառմամբ էլեկտրաէներգիայի արտադրությունը:

Թուրքիայի էներգետիկայի և բնական պաշարների նախարար Թաներ Յըլդըզը, ըստ «Hurriyet» պարբերականի, ասել է. «Մենք շարունակելու ենք էներգետիկ հումքի աղբյուրներ հայտնաբերելու մեր աշխատանքները: Քոնիա Քարափընարում ածխային հիմքով էլեկտրաէներգիայի արտադրության կազմակերպման համար կպահանջվի 7-8մլն դոլարի ներդրում»:

Նշենք, որ այժմ Թուրքիայի էներգետիկան 70 տոկոսով կախված է էներգառեսուրսների արտաքին մատակարարումներից: Երկրում արտադրվող էլեկտրաէներգիայի 45 տոկոսի համար հումք է ծառայում բնական գազը: Ածխի կիրառմամբ էլեկտրաէներգիայի արտադրության միջոցով Թուրքիան ձգտում է թուլացնել ռուսական և իրանական գազի մատակարարումներից ունեցած իր կախվածությունը և փնտրել հումքի առավել էժան աղբյուրներ:

Ermenihaber.am

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։