Yeni Akt. «Հայերին սիրող Օզդեմիրը հիմա էլ գյուլենականների սիրահար է դարձել»

Միջազգային07:35, 23 Հուլիս 2016

Yeni Akt. «Հայերին սիրող Օզդեմիրը հիմա էլ գյուլենականների սիրահար է դարձել»

Գերմանիայի դաշնային խորհրդարանի՝ Բունդեսթագի կողմից Հայոց ցեղասպանության բանաձևի ընդունման գործում լուրջ դերակատարում ունեցած թուրքական ծագումով պատգամավոր Ջեմ Օզդեմիրը կրկին հայտնվել է թուրքական լրատվամիջոներից հարձակման թիրախում: Այս անգամ պատճառը ոչ թե Հայոց ցեղասպանության բանաձևի սատարումն է, այլ Էրդողանի վարչակազմի կողմից հալածվող գյուլենականների հարցը:

Միջանկյալ նշենք, որ թուրքական իշխանությունները հենց գյուլենականներին են մեղադրում հուլիսի 15-ին կազմակերպված պետական հեղաշրջման փորձի համար, ի դեմս նրանց առաջնորդ, իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենը:

«Yeni Akit» թերթը գրում է, որ «Կանաչների կուսակցության» համանախագահ Ջեմ Օզդեմիրը հիմա էլ փորձում է նախաձեռնել մի ծրագիր, որի նպատակը Եվրոպայում քաղաքական ապաստանի տրամադրումն է Էրդողանի վարչակազմի կողմից հալածվող գյուլենականներին: Այդ տեղեկությունը վկայակոչվում է գերմանական «DW» լրատվամիջոցով:

«Հայերին սիրող Օզդեմիրը հիմա էլ գյուլենականների սիրահար է դարձել»,- հեգնում է թուրքական թերթը:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարտել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։