Թուրքիայի մեջլիսում Գերմանիայում ցեղասպանության բանաձևի քննարկումը դատապարտող հայտարարություն են ստորագրել

Ցեղասպանություն13:57, 30 Մայիս 2016

Թուրքիայի մեջլիսում Գերմանիայում ցեղասպանության բանաձևի քննարկումը դատապարտող հայտարարություն են ստորագրել

Թուրքիայի մեջլիսի (խորհրդարան) արտաքին հարաբերությունների հանձնաժողովի անդամները Գերմանիայի Բունդեսթագում Հայոց ցեղասպանությունը ճանաչող օրինագծի օրակարգ բերվելն և հունիսի 2-ին նախատեսված քննարկումը դատապարտող հայտարարության են հրապարակել: Հայտարարության տակ ստորագրել են կառավարող «Արդարություն և զարգացում կուսակցության» (AKP-ԱԶԿ), ինչպես նաև ընդդիմադիր «Ժողովրդահանրապետական կուսակցության» (CHP-ԺՀԿ) ու ընդդիմադիր «Ազգայնական շարժում կուսակցության» (MHP-ԱՇԿ) անդամները: Հայտարարությանը չի միացել միայն քրդամետ «Ժողովուրդների դեմոկրատական կուսակցությունը» (HDP-ԺԴԿ):

Հայտարարության մեջ մասնավորապես ասվել է. «Մենք մերժում և խստորեն դատապարտում ենք 1915 թվականի դեպքերի վերաբերյալ պատմական փաստերը նենգափոխող և ոչ իրավական բանաձևը:Այս բանաձևը մեր օրերում նշյալ իրադարձությունները քաղաքականացնելու և շահարկելու օրինակներից ամենավատն է: Ցեղասպանությունը քաղաքական պատճառներով շահարկվող հասկացություն չէ, այն միջազգային իրավունքի տեսանկյունից պարզ և հստակ նկարագրված հանցանք է»:

Հայտարարության մեջ նշվել է նաև, որ բունդեսթագը ներկայացվում է նաև Գերմանիայում բնակվող 100 հազարավոր թուրքերին`ավելացվելով, որ այս նախաձեռնությունը անջրպետ է առաջացնելու թուրքերի և գերմանացիների միջև:

Հիշեցնենք, որ Գերմանիայի դաշնային խորհրդարանը հունիսի 2-ին տեղի ունենալիք նիստում քննարկելու է Հայոց ցեղասպանության ճանաչման բանաձևը: Բանաձևի օրակարգ բերելը առաջացրել է Թուրքիայի ղեկավար և ընդդիմադիր շրջանակների զայրույթը, որոնք ամեն կերպ ձգտում են խափանել Գերմանիայի խորհրդարանի կողմից ցեղասպանության ճանաչումը:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։