Իսրայելը կարող է Թուրքիայի տարածքով բնական գազ արտահանել Եվրոպա

Տնտեսական10:40, 25 Փետրվար 2016

Իսրայելը կարող է Թուրքիայի տարածքով բնական գազ արտահանել Եվրոպա

Իսրայելի էներգետիկայի նախարար Յուվալ Շթայնիցը հայտարարել է, որ առաջիկայում հնարավոր է իսրայելական բնական գազի արտահանումը Եվրոպա՝ Թուրքիայի տարածքով:

Թուրքական «Haberler.com» լրատվակայքի տեղեկացմամբ՝ ԱՄՆ-ի Հյուսթոն քաղաքում տեղի ունեցած 2016թ. էներգետիկայի համաժողովի շրջանակներում մամուլի ասուլիս կազմակերպած Շթայնիցը մասնավորապես ասել է.

«Այս նախագծի կյանքի կոչման համար անհրաժեշտ է, որ երկու երկրների միջև եղած դիվանագիտական հարաբերությունները կարգավորվեն: Երկու կողմն էլ շատ շահագրգռված է: Հուսով եմ՝ առաջիկա շաբաթների կամ ամիսների ընթացքում խնդիրները կլուծվեն»:

Նախարարն ընդգծել է, որ Թուրքիայի և Իսրայելի միջև տնտեսական կապերը բավական ամուր են և հավելել, որ Միջերկրական ծովի արևելյան հատվածում բնական գազի նոր պաշարների հայտնաբերումը Թուրքիայի, Իսրայելի, Կիպրոսի, Հունաստանի և Եգիպտոսի միջև էներգետիկ համագործակցության զարգացման նոր հնարավություններ կարող է ստեղծել՝ նպաստելով տարածաշրջանի կայունացմանը:

Նշենք, որ Միջերկրական ծովի՝ Իսրայելին պատկանող Լևենթ շրջանում հայտնաբերվել է 510 մլրդ խմ, իսկ Կիպրոսի հարավում գտնվող Աֆրոդիտե շրջանում՝ 200 մլրդ խմ բնական գազի պաշարներ:

Աղբյուր` Ermenihaber.am

Այս ենթաբաժնի վերջին նորությունները

16:28, 20 օգոս

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

14:26, 20 օգոս

Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում

Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։