Քննարկվել է զինաթափված քուրդ գրոհայիններին թուրքական բանակ զորակոչելու հարցը

Ռազմական11:44, 15 Հուլիս 2025

Քննարկվել է զինաթափված քուրդ գրոհայիններին թուրքական բանակ զորակոչելու հարցը

Թուրքիայում իշխող «Արդարություն և զարգացում կուսակցությունը» (AKP-ԱԶԿ) Անկարայի Քըզըլջահամամ շրջանում անցկացված եռօրյա ճամբարում քննարկել է «Քուրդիստանի բանվորական կուսակցության» (ՔԲԿ-PKK) շուրջ տեղի ունեցող իրադարձությունների հետագա զարգացումը:

Քննարկումների ընթացքում Թուրքիայի պաշտպանության նախարար Յաշար Գյուլերն անդրադարձել է զորակոչի տարիք ունեցող ՔԲԿ-ականների հնարավոր զինվորական ծառայության վերաբերյալ հարցին:

«Եթե Թուրքիայի Հանրապետության քաղաքացին հասել է զորակոչի տարիքին և չի մասնակցել որևէ կազմակերպության անդամների որևէ գործողության, ինչպես նաև չի անցել զինվորական ծառայության, անպայման կզորակոչվի:

Մինչ օրս մեր քուրդ եղբայրները զինվորական ծառայություն են իրականացրել առանց ոչևէ խնդիր: Այստեղ խնդիր չի առաջացել»:

Հիշեցնենք, որ հուլիսի 11-ին թուրքական զանգվածային լրատվամիջոցները համատարած հեռարձակում էին ՔԲԿ անդամների զենքերի հանձնման գործընթացը:

Թուրքական մամուլի հրապարակումներում «պատմական» որակվող գործընթացը մեկնարկել էր Իրաքի հյուսիսում գտնվող Սուլեյմանիե նահանգում: Զուգահեռ նշվում էր նաև, որ զենքերը վայր դնելու գործընթացին ներկա են ՔԲԿ-ի 2 ղեկավար անձ:

Աղբյուր` Rudaw.net

Այս ենթաբաժնի վերջին նորությունները

14:42, 28 օգոս

Էրդողան․ «Սեղանի շուրջ լինելու և ճաշացանկում լինելու միջև նուրբ գիծը Թուրքիայի պաշտպանական կարողություններն են»

Թուրքիայի նախագահը մասնակցել է «Առաջիկա 50 տարիների հիմքերը դրվեցին», պողպատե գմբեթի մատակարարման, օբյեկտների բացման և Օղուլբեյի տեխնոլոգիական բազայի հիմնարկեքի արարողությանը։