Քաղաքական10:49, 29 Օգոստոս 2025
Թուրքիայի արտգործնախարարն անդարդարձել է հայ-ադրբեջանական խաղաղության գործընթացին
Թուրքիայի արտգործնախարար Հաքան Ֆիդանը թուրքական «TGRT Haber»-ի հաղորդումներից մեկի եթերում անդրադարձել է Ադրբեջան-Հայաստան գործընթացներին։
Հաղորդավարը հետաքրքրվել է օգոտսոսի 8-ին Վաշինգտոնում կայացած խաղաղության գագաթնաժղովի մասին՝ հարցնելով, թե արդյո՞ք Թրամփի խաղաղության քայլը եղել է Թուրքիայի իմացությամբ, արդյո՞ք ԱՄՆ ներկայությունը (այսպես կոչված) «Զանգեզուրի միջանցքում» որևէ կերպ ազդելու է Ադրբեջանով Թուրքիայի և թյուրքական աշխարհի կապին։
Ընդգծելով, որ Հայաստանի և Ադրբեջանի միջև ձեռք բերված մի շարք պայմանավորվածությունների, ինչպես նաև Ադրբեջանի և ԱՄՆ-ի միջև ստորագրված երկու համաձայնագրերի շնորհիվ տարածաշրջանային խաղաղության առումով շատ լավ պատկեր է ձևավորվել՝ Ֆիդանն ասել է․
«Յուրաքանչյուր փուլում տեղեկացում է եղել, խորհրդակցություն է եղել։Այդ մասին մեր նախագահին ենք տեղեկացրել, բացի այդ Իլհամ Ալիևն էլ և՛ սկզբում, և՛ հետո այս հարցում տեղեկություն է հաղորդել։ Ադրբեջանի և մեր միջև խորհրդակցության և համակարգման մեխանիզմը շատ լավ է»։
Հաղորդավարը նշել է նաև, որ Ադրբեջանն այս գործընթացում փոքր-ինչ «անարդարացիորեն քննադատվել է», և այդ ամենը նրանից (Ֆիդանից) լսելը շատ լավ է։
Ի պատասխան Ֆիդանն ասել է. «ո՛չ, ո՛չ, գրեթե իմ բոլոր առավոտները պարոն Ջեյհունի (Ադրբեջանի արտգործնախարար) հետ հեռախոսազրույցով է սկսվում, այս առավոտ ևս այլ հարցեր ենք քննարկել Ջեյհունի հետ»:
Այնուհետև Ֆիդանը նշել է, որ (այսպես կոչված) «Զանգեզուրի միջանցքի» հռչակումը նշանակում է իրենց ադրբեջանցի եղբայրների կողմից ի սկզբանե առաջ քաշված մի քանի հիմնական պահանջների ընդունում:
«Հասարակությանն էլ ցանկանում եմ այսպես տեղեկացնել, որ դրա հետ կապված առայժմ հստակեցված ձևաչափով, կանոնակարգված որևէ կոնկրետ բան չկա. այն ընդունվել է որպես հայեցակարգ, արտացոլվել է փաստաթղթում, սակայն, թե ով է շահագործելու, ինչպես է շահագործելու, ինչ է լինելու, այդ հարցերում կոնկրետ բան չկա, և դա կողմերը քննարկելու են իրենց միջև»,-հավելել է վերջինս:
Թուրքիայի արտգործնախարարը նշել է նաև, որ դրանից առաջ տարբեր այլընտրանքներ են քննարկվել, որոնց մի մասը գուցե կարող է հանրայնացնել, սակայն ձեռնպահ է մնացել դրանից:
Թուրքիայի արտգործնախարարը, շարունակելով թեմայի վերաբերյալ խոսակցությունը, շեշտել է, որ բոլոր պարագաներում Էրդողանի որդեգրած դիրքորոշումը բխել է Ադրբեջանի նկատմամբ ունեցած վստահությունից։
Վերջին, անդրադառնալով արդեն հայկական կողմի քայլերին, Փաշինյանի դրական դիրքորոշումն էլ (խաղաղության հարցում) որակել է պատմական:
Այս ենթաբաժնի վերջին նորությունները
Նիստում ելույթ կունենա Թուրքիայի արտգործնախարար Հաքան Ֆիդանը, ով կներկայացնի կառավարության դիրքորոշումը Գազայի վերաբերյալ։
Ֆիդան. «Ձեռք բերված մի շարք պայմանավորվածությունների շնորհիվ տարածաշրջանային խաղաղության առումով շատ լավ պատկեր է ձևավորվել»:
Մարկո Ռուբիոյի հետ զրույցում Ֆիդանը նշել է, որ Թուրքիան պատրաստ է ռուս-ուկրաինական բանակցային գործընթացում անել այն, ինչն իր պատասխանատվության շրջանակներում է:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |