Քաղաքական16:00, 10 Հունիս 2025
ՄԱԿ-ի բանագնացը Թուրքիային կոչ է անում դադարեցնել Իսրայելին զինտեխնիկայի մատակարարումը
ՄԱԿ-ի Պաղեստինի հարցերով հատուկ զեկուցող Ֆրանչեսկա Ալբանեզեն խիստ քննադատությամբ է արձագանքել այն տեղեկություններին, ըստ որոնց՝ Թուրքիայի նավահանգստից շարժվող «VELA» անունով բեռնատար նավը զինտեխնիկական նյութեր է տեղափոխել Իսրայելի զինված ուժերի համար։
«Մի՛ դարձեք հանցագործության մասնակից։ Գազայում շարունակվող ցեղասպանության ընթացքում ռազմական բեռի մատակարարումը միջազգային իրավունքի բացահայտ խախտում է»,- հայտարարել է Ալբանեզեն՝ կոչ անելով Թուրքիային անհապաղ դադարեցնել նման համագործակցությունը։
Այս կոչը հնչել է այն օրերին, երբ Իսրայելի բանակը միջազգային ջրերում կանգնեցրել և զենքով միջամտել է Գազա մարդասիրական օգնություն տեղափոխող «Madleen» նավին։ Նավում կային տարբեր երկրների ակտիվիստներ, այդ թվում՝ Գրետա Թունբերգը, Եվրախորհրդարանի պատգամավոր Ռիմա Հասսանը, ինչպես նաև երկու թուրք քաղաքացի։ Նավի ուղևորները ձերբակալվել են։
Թուրքիայի իշխանությունները մի կողմից հրապարակավ դատապարտում են Իսրայելի գործողությունները՝ դրանք որակելով որպես ցեղասպանություն, մյուս կողմից՝ թուրքական նավահանգիստներից դեպի Իսրայել շարժվող ռազմական նշանակության բեռները հանրային դժգոհություն են առաջացրել։
Հանրային քննադատության կենտրոնում է հայտնվել իշխանության խոսքի և գործի հակասությունը․ մի կողմից՝ «Գազայի վերաբեյալ ոչ մի լռություն» հռետորաբանություն, մյուս կողմից՝ լուռ աջակցություն Իսրայելի ռազմական տնտեսությանը։
«The Ditch» հետազոտական հարթակի փաստաթղթերը վկայում են, որ Թուրքիան, չնայած իր հրապարակային հռետորաբանությանը, գործնականում շարունակում է առևտրային կապերը Իսրայելի ռազմական արդյունաբերության հետ։
Ֆրանչեսկա Ալբանեզեն եզրափակել է՝ «Խաղաղ բնակչությանը սովի մատնելը, օգնություն ցուցաբերողներին հալածելը և ռազմական փոխադրումների շարունակումը մարդու իրավունքների կոպիտ խախտում է։ Պետությունները չպետք է դառնան այս հանցագործության համակատար»։
Այս ենթաբաժնի վերջին նորությունները
Պատճառն այն է, որ «Pulcular Enerji» ընկերությունն իրանական նավթի գնման գործարքների մեջ է եղել։
Թուրքիայի արտաքին գործերի նախարարը և Պակիստանի արտաքին գործերի նախարարը հանդես են եկել մամուլի ասուլիսով։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
Պատճառն այն է, որ «Pulcular Enerji» ընկերությունն իրանական նավթի գնման գործարքների մեջ է եղել։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Թուրքիայի արտաքին գործերի նախարարը և Պակիստանի արտաքին գործերի նախարարը հանդես են եկել մամուլի ասուլիսով։
Ֆուտբոլի միջազգային ասոցիացիաների ֆեդերացիան հրապարակել է ազգային հավաքականների դասակարգման աղյուսակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |