Քաղաքական10:43, 28 Ապրիլ 2025
Թուրքիայի մեջլիսի ղեկավարը մեկնել է Ղրղզստան
Թուրքիայի մեջլիսի նախագահ Նուման Քուրթուլմուշը պաշտոնական հանդիպումների նպատակով մեկնել է Ղրղզստանի մայրաքաղաք Բիշքեք։
Քուրթուլմուշի հետ Բիշքեք են մեկնել նաև Թուրքիայում իշխող «Արդարություն և զարգացում» կուսակցության (ԱԶԿ- AKP) խմբակցության ղեկավար Մուհամմեդ Էմին Աքբաշօղլուն, ԱԶԿ-ի փոխկուսակցապետ Քյուրշադ Զորլուն, «Նոր ուղի» կուսակցության խմբակցության նախագահ Բյուլենթ Քայան, Թուրքիա-Ղրղզստան միջխորհրդարանական բարեկամության խմբի նախագահ և Արդարություն և Զարգացում կուսակցության Թոքաթի պատգամավոր Յուսուֆ Բեյազիթը, ինչպես նաև աջակողմյան «Ազգայնական շարժում» կուսակցության (ԱՇԿ-MHP) Քոնիայի պատգամավոր Մուստաֆա Քալայջըն։
Բիշքեքում Քուրթուլմուշը հանդիպում կունենա Ղրղզստանի խորհրդարանի նախագահ Նուրլանբեկ Տուրգունբեկ Ուուլիի հետ։ Նշվում է, որ կողմերի միջև կստորագրվի միջխորհրդարանական համագործակցության մասին հուշագիր։
Քուրթուլմուշը նախատեսում է նաև հանդիպում ունենալ Ղրղզստանի Նախարարների Կաբինետի նախագահ Ադիլբեկ Կասիմալիևի հետ, և ակնկալվում է, որ նրան կընդունի Ղրղզստանի նախագահ Սադիր Ժապարովը։
Նա կայցելի Ղրղզստան-Թուրքիա Մանաս Համալսարանը, Ռեջեփ Թայիփ Էրդողանի անվան Ղրղզ-թուրքական բարեկամության հիվանդանոցը և Մաարիֆ դպրոցը, և հանդես կգա Իսլամական համագործակցության երիտասարդության ֆորումի (ICYF) կողմից կազմակերպվող «Թյուրքական աշխարհի ապագան և աճող աստղը․Երիտասարդությունը» խորագրով համաժողովում։ Ավելի ուշ Քուրթուլմուշը հանդիպում կունենա Ղրղզստանում գործող թուրք գործարարների հետ։
Այս ենթաբաժնի վերջին նորությունները
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Հայտարարության մեջ հնչել է տարածաշրջանային պատերազմի վտանգի մասին զգուշացում։
Թուրքիայում իշխող կուսակցության խոսնակը նշել է, որ Իսրայելի այս հարձակումը ոչ մի օրինականություն կամ հիմնավորում չի կարող ունենալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայտարարության մեջ հնչել է տարածաշրջանային պատերազմի վտանգի մասին զգուշացում։
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |