Օջալանի հետ բանակցող ընդդիմադիրները գոհ են Էրդողանի ընդունելությունից

Քաղաքական10:45, 11 Ապրիլ 2025

Օջալանի հետ բանակցող ընդդիմադիրները գոհ են Էրդողանի ընդունելությունից

Ապրիլի 10-ին կայացել է Թուրքիայում գործող ընդդիմադիր «Ժողովուրդների հավասարություն և ժողովրդավարություն կուսակցության» (DEM) անդամների հանդիպումը Թուրքիայի նախագահ Ռեջեփ Թայիփ Էրդողանի հետ:

Ընդդիմադիրները, որոնք բանակցում էին թուրքական կողմի համար ահաբեկչական համարվող «Քուրդիստանի բանվորական կուսակցության» (PKK-ՔԲԿ) հիմնադիր-առաջնորդ Աբդուլլահ Օջալանի հետ, հանդիպումից հետո հանդես են եկել հայտարարությամբ:

«Մենք պատիվ ունենք մեր ամբողջ երկրին տեղեկացնել, որ այսօրվա դրությամբ առկա իրավիճակն ավելի հուսադրող է, քան երեկ»:

Բացի այդ նշվել է, որ Էրդողանի հետ հանդիպումը եղել է «կառուցողական, դրական և հուսադրող»: Ընդգծվել է, որ Օջալանի հետ բանակցող «Իմրալը պատվիրակության» գործողություններն ու կուսակցության որդեգրած քաղաքականությունը շարունակական բնույթ է կրելու:

Հիշեցնենք, որ Օջալանի հետ բանակցությունների արդյունքում PKK-ի զենքերը վայր դնելու վերաբերյալ հայտարարություն եղավ անձամբ հենց իր՝ Օջալանի կողմից: Այդ հայտարարությունից հետո DEM կուսակցությունը հայտնեց, որ շարունակելու է երկրի իշխանությունների հետ աշխատանքներ իրականացնելու եզրեր գտնել տեղի ունեցողին համապատասխան կերպով արձագանքելու և այդ ուղղությամբ աշխատանքներ տանելու համար:

Աղբյուր` Artigercek.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: