Թուրքիայի մի շարք քաղաքներում շարունակվում են բողոքի ակցիաները

Քաղաքական10:56, 21 Մարտ 2025

Թուրքիայի մի շարք քաղաքներում շարունակվում են բողոքի ակցիաները

Թուրքիայի մի շարք խոշոր քաղաքներում շարունակվում են բողոք ցույցերը՝ ի պաշտպանություն Ստամբուլի ընդդիմադիր քաղաքապետ, «Ժողովրդահանրապետական» կուսակցության (ԺՀԿ-CHP) անդամ Էքրեմ Իմամօղլուի։

Հիշեցնենք, որ Իմամօղլուն ձերբակալվել էր մարտի 19-ին և նա մեղադրվում է կաշառակերության, կոռուպցիայի և ահաբեկչության օժանդակման մեջ։

ԺՀԿ-ն հյատարարել է, որ ցույցեր, հանրավաքներ տեղի կունենան մի շարք քաղաքներում։ Ադանայում հազարավոր մարդիկ են դուրս եկել փողոց, Տրապիզոնում մարդիկ քայլերթ են կատարել, Ամասիայում ցույցի մասնակիցները վանկարկել են «Օրը կգա ԱԶԿ-ն հաշիվ կտա» (AKP- իշխող Արդարություն և զարգացում կուսակցություն)։ Ցույցերը շարունկավում են նաև Իզմիրում, Էսքիշեհիրում, Ստամբուլում, Չորումում, Անթալիայում. Սաքարիայում, Մերսինում, Մալաթիայում, Բուրսայում և Քոնյայում։

Անկարայի համալսարանի ուսանողների և ոստիկանության միջև բախումներ են եղել և ոստիկանությունը կիրառել է արցունքաբեր գազ։ Բախումների հետևանքով 6 ուսանող է բերման ենթարկվել

Աղբյուր` 10haber.net