Քաղաքական15:50, 05 Մարտ 2025
Թուրքիան և Հունաստանը մտնում են համագործակցության նոր փուլ
Թուրքիան և Հունաստանն ամրապնդում են իրենց հարաբերությունները՝ կենտրոնանալով առևտրի, զբոսաշրջության և դիվանագիտական համագործակցության վրա: Թուրքիայի նախագահ Ռեջեփ Թայիփ Էրդողանը կարևորել է Արևելյան Միջերկրականում և Էգեյան ծովում կայունության պահպանումը և շեշտել, որ երկու երկրների միջև հաստատվել է դրական մթնոլորտ: Էրդողանի այսօրինակ հայտարարությունները ողջունվել է հունական լրատվամիջոցների կողմից:
Երկու երկրները արագացրել են ջանքերը՝ իրենց առևտրի ծավալը հասցնելու 10 մլրդ դոլարի։ Թուրքիայի արտահանումը դեպի Հունաստան 2024-ին կազմել է 4.8 մլրդ դոլար, մինչդեռ ներմուծումը կազմել է 1.4 մլրդ: COVID-19 համավարակը սկզբնապես հանգեցրել էր առևտրի անկման, բայց հետո ցուցանիշները վերականգնվել են, երկկողմ առևտրի ծավալը 2023-ին հասցնելով 6.2 մլրդ դոլարի: Թուրքիան շարունակում է պահպանել իր դիրքը որպես արտահանող՝ 2024-ին գրանցելով 3.5 միլիարդ դոլարի առևտրային ավելցուկ:
Երկու երկրների միջև զբոսաշրջությունը նույնպես աճում է: Թուրքիա մեկնող հույն զբոսաշրջիկների թիվը 686․480-ից 2023 թվականին աճել է մինչև 707․133-ի, իսկ 2024 թվականին գրանցել 3% աճ:
Թուրքիայի և Հունաստանի միջև մեկնարկած «դրական օրակարգ» նախաձեռնությունը նպատակ ունի խորացնել համագործակցությունը տարբեր ոլորտներում, ներառյալ առողջապահությունը, մշակույթը և տնտեսությունը: Բարձր մակարդակի հանդիպումները ինտենսիվացել են, Հունաստանի վարչապետ Կիրիակոս Միցոտակիսը 2024-ին եղել է Թուրքիայում՝ քննարկելով հետագա համագործակցության հարցեր:
Ակնկալվում է, որ ապրիլին նա կրկին պաշտոնական այցով կմեկնի Թուրքիա, կմասնակցի երկու երկրների Բարձր մակարդակի համագործակցության խորհրդի նիստին, ինչն էլ ավելի կամրապնդի երկու երկրների միջև սերտացող կապերը:
Այս ենթաբաժնի վերջին նորությունները
Մասնագետները, սակայն, կարծում են, որ իրական առաջընթացը կախված կլինի վիճելի հարցերի շուրջ կողմերի զիջումների պատրաստակամությունից։
Էրդողանը կմեկնի Հռոմ և կհանդիպի Իտալիայի վարչապետ Ջորջիա Մելոնիի հետ։
Թուրքիայի նախագահը մեղադրել է Արևմուտքին միգրացիոն ճգնաժամ հրահրելու, բայց դրա պատասխանատվությունը չկիսելու մեջ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |