Բահչելին հեռախոսազրույց է ունեցել բանտարկված ընդդիմադիր գործչի հետ

Քաղաքական11:57, 03 Մարտ 2025

Բահչելին հեռախոսազրույց է ունեցել բանտարկված ընդդիմադիր գործչի հետ

Մինչ թուրքական մամուլում պտտվում են լուրեր, թե Թուրքիայի իշխող «Արդարություն և զարգացում կուսակցության» (ԱԶԿ-AKP) հետ դաշինքի մեջ գտնվող աջ ծայրահեղական «Ազգայնական շարժում կուսակցության» (ԱՇԿ-CHP) առաջնորդ Դևլեթ Բահչելին մահացել է, հայտնի է դառնում նրա հեռախոսազրույցի մասին:

Նշվում է, որ Բահչելին հեռախոսազրույց է ունեցել «Ժողովուրդների դեմոկրատական կուսակցության» (HDP-ԺԴԿ) նախկին համանախագահ Սելահաթթին Դեմիրթաշի հետ: Նա շնորհակալություն է հայտնել Դեմիրթաշին վերջերս հրապարակած հոդվածի համար:

Հոդվածում, որը վերաբերել է Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանի զինաթափման կոչին, Դեմիրթաշը գովաբանել է ներկայիս նախագահ Ռեջեփ Թայիփ Էրդողանին, Բահչելիին և Օջալանին:

Նա նշել է, որ վերոնշյալ մարդիկ «Մերձավոր Արևելքի և թուրք-քրդական խաղաղության համար նախառենություն են վերցրել իրենց վրա», ապա հավելել.

«Այս երեք առաջնորդների հաջողության համար ես կանեմ ավելի քան կարող եմ»:

Հիշեցնենք, որ Սելահաթթին Դեմիրթաշը 2016թ․ նոյեմբերի 4-ից կալանավորված է և գտնվում է Էդիրնեի բանտում։

Նա մեղադրվում է Թուրքիայի բնակչությանը «ապստամբության հրահրելու» և «ահաբեկչական կազմակերպության» անդամ լինելու մեջ։

Աղբյուր` Haberglobal.com.tr