Քաղաքական15:08, 26 Փետրվար 2025
ՔԲԿ-ի հիմնադիր առաջնորդը կարող է հանդես գալ տեսաուղերձով
Թուրքիայում գործող ընդդիմադիր «Ժողովուրդների հավասարություն և ժողովրդավարություն կուսակցության» (DEM) պատվիրակությունը դիմել է Արդարադատության նախարարություն՝ «Քրդական բանվորական կուսակցության» (ՔԲԿ-PKK) առաջնորդ Աբդուլլահ Օջալանի հետ 3-րդ անգամ հանդիպելու թույլտվության համար։
«DEM»-ի խոսնակ Այշեգյուլ Դողանը հայտնել է, որ հանդիպումը կարող է կայանալ մինչ շաբաթվա ավարտը, իսկ վերադարձից հետո կուսակցությունը հանդես կգա մանրամասն հայտարարությամբ։
Դողանը նաև նշել է, որ կուսակցությունը կողմ է, որ Օջալանի հնարավոր հայտարարությունը լինի տեսագրությամբ՝ այն ավելի ազդեցիկ դարձնելու համար։
Ավելի վաղ տեղեկություններ են տարածվում, որ Օջալանը իր հիմնադրած կուսակցության անդամներին կարող է դիմել 3 հավանական կոչով, որոնցից յուրաքանչյուրի բովանդակությունը այս կամ այն կերպ ենթադրելու էր Թուրքիայում իրականացվող գործողությունների դադարեցում:
Հաղորդվում է, որ դիմողների թվում է նաև Մարդինի նախկին համաքաղաքապետ Ահմեթ Թյուրքը, ում ավելի վաղ պաշտոնանկել և փոխարենը հոգաբարձու էին նշանակել:
Նշենք, որ դիմումատուներից մեկը լինելուց զատ դեռևս հայտնի չէ` Թյուրքը լինելու է Օջալանի հետ հանդիպման մեկնող պատվիրակության կազմում, թե ոչ:
Հիշեցնենք, որ Օջալանն այս պահին ցմահ ազատազրկման մեջ է գտնվում Թուրքիայի Իմրալը կղզում: Նրա հետ հանդիպումները մեկնարկել էին այն բանից հետո, երբ Թուրքիայի իշխող «Արդարություն և զարգացում կուսակցության» հետ դաշինիք մեջ գտնվող «Ազգայնական շարժում կուսակցության» առաջնորդ Դևլեթ Բահչելին հայտարարեց թուրք-քրդական խնդրի՝ «PKK»-ի առաջնորդի կոչով լուծելու ցանկության մասին:
Այս ենթաբաժնի վերջին նորությունները
Մասնագետները, սակայն, կարծում են, որ իրական առաջընթացը կախված կլինի վիճելի հարցերի շուրջ կողմերի զիջումների պատրաստակամությունից։
Էրդողանը կմեկնի Հռոմ և կհանդիպի Իտալիայի վարչապետ Ջորջիա Մելոնիի հետ։
Թուրքիայի նախագահը մեղադրել է Արևմուտքին միգրացիոն ճգնաժամ հրահրելու, բայց դրա պատասխանատվությունը չկիսելու մեջ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |