Թուրքիան և Կատարը քննարկել են երկկողմ համագործակցությանը վերաբերող հարցեր

Քաղաքական12:04, 21 Փետրվար 2025

Թուրքիան և Կատարը քննարկել են երկկողմ համագործակցությանը վերաբերող հարցեր

Ստամբուլի Դոլմաբահչե պալատում կայացել է «Թուրքիա-Կատար խառը տնտեսական հանձնաժողովի» հերթական նիստը։

Այն գլխավորել են Թուրքիայի գանձապետարանի և ֆինանսների նախարար Մեհմեդ Շիմշեքն ու իր կատարցի գործընկեր Ալի բին Ահմեդ ալ-Քուվարին։

Շիմշեքն ընդգծել է, որ երկու երկրները միտված են էլ ավելի խորացնել առկա տնտեսական հարաբերություններն ու մտադիր են ընդլայնել ռազմավարակն ոլորտների համագործակցությունը։

Օրակարգում են եղել նաև փոխադարձ ներդրումների մեծացման և կանաչ արտադրանքի խթանման համար տրամադրվող ֆինանսական միջոցներին վերաբերող հարցեր։

Կողմերը համաձայնության են եկել խորացնել իրենց երկրների կենտրոնական բանկերի միջև առկա համագործակցությունն ու ուսումնասիրել առևտրային հնարավորությունները։

Թուրք պաշտոնյան ընդգծել է նաև իրենց կապալառուների դերը տարածաշրջանում ու հայտնել, որ երրորդ երկրերում նրանք հաջողություններ կարող են ունենալ։ Այս համատեքստում նա նաև հրավիրել է կատարցի գործարարներին ներդրումներ իրականացնել Թուրքիայի տարբեր ոլորտներում։

Երկու երկրների ներկայացուցիչները որոշում են կայացրել ապագայում աշխատել էլ ավելի շատ համագործակցություն ձևավորելու և ընդհանուր շահի համար։

Աղբյուր` Gazetebirlik.com/

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: