Թուրքիայում ԵՄ պատվիրակության նորանշանակ դեսպան․ «Վիզայի խնդիրն առաջնահերթ հարց է»

Քաղաքական13:15, 21 Փետրվար 2025

Թուրքիայում ԵՄ պատվիրակության նորանշանակ դեսպան․ «Վիզայի խնդիրն առաջնահերթ հարց է»

Թուրքիայում Եվրամիության (ԵՄ) պատվիրակության նորանշանակ դեսպան Թոմաս Օսովսկին հայտարարել է, որ կառույցը ձգտում է ամրապնդել հարաբերությունները Թուրքիայի հետ՝ ընդգծելով վիզայի հարցի լուծման անհրաժեշտությունը:

«Հարաբերությունների ամրապնդման գործընթացում ենք, իսկ վիզայի խնդիրն առաջնահերթ հարց է»։

Նրա որակմամբ, Թուրքիան ռազմավարական կարևորության նշանակություն ունի տարածաշրջանում, ներառյալ Հարավային Կովկասի և Ուկրաինայի հետ կապված բանակցություններում:

Օսովսկին նաև հիշատակել է, որ Թուրքիան դեռևս չի կատարել ԵՄ-ի կողմից սահմանված 72 վիզային չափանիշներից 6-ը, սակայն աշխատանքներ են տարվում վիզային ռեժիմի պարզեցման ուղղությամբ:

Նա նշել է, որ Թուրքիան Շենգենյան վիզաների հարցում ԵՄ-ի երկրորդ ամենամեծ դիմորդն է՝ Չինաստանից հետո:

Դեսպանը նաև ընդգծել է, որ ԵՄ-ն աջակցում է մաքսային միության արդիականացման գործընթացին, ինչը կնպաստի երկկողմ տնտեսական կապերի ամրապնդմանը:

Աղբյուր` T24.com.tr