Քաղաքական15:08, 20 Փետրվար 2025
Թուրքիայի խորհրդարանում քրդերեն բարևելն անգամ արգելված է
Թուրքիայի քրդամետ «Ժողովրդավարություն և հավասարություն կուսակցության» խորհրդարանական խմբակցության փոխնախագահ Սեզաի Թեմելին Մայրենի լեզվի միջազգային օրվա՝ փետրվարի 21-ի առթիվ հանդես է եկել հայտարարությամբ՝ ընդգծելով, որ Թուրքիայում բազմաթիվ լեզուներ են ճնշման տակ, իսկ քրդերենը ենթարկվում է ամենախիստ սահմանափակումների: Նա մատնանշել է քրդերենի հանրային օգտագործման լուրջ խոչընդոտները՝ նշելով, որ քրդերենը լիովին զրկված է կրթության իրավունքից և ենթարկվում է տարբեր արգելքների:
Թեմելին նշել է, որ մինչ Թուրքիայում որոշ փոքրամասնությունների լեզուներ ունեն կրթական և կիրառման որոշակի իրավունքներ, քրդերենը, չլինելով փոքրամասնության լեզու, լիովին զրկված է այդ իրավունքներից: Նա քննադատել է պետության պնդումը քրդերենի ճանաչման ուղղությամբ քայլեր ձեռնարկելու մասին՝ շեշտելով, որ պետության վերահսկողության տակ գտնվող TRT Kurdi հեռուստաալիքի գոյությունը բնավ չի լուծում խնդիրը, այլ ավելի է սահմանափակում քրդերենի ներկայությունը հանրային ոլորտում:
Նա ընդգծել է, որ քրդական թատրոնները փակվում են, համայնքներին արգելվում է քրդերենով ծառայություններ մատուցել։
Հատուկ ուշադրություն դարձնելով խորհրդարանում քրդերենի սահմանափակումներին՝ Թեմելին դատապարտել է պատգամավորների կողմից նույնիսկ պարզ քրդերեն ողջույնի արգելքը: Նա ընդգծել է, որ խորհրդարանական ամբիոնը պետք է լինի սահմանադրորեն պաշտպանված անձեռնմխելիության հարթակ, սակայն այս սկզբունքը անտեսվում է, երբ խոսքը վերաբերում է քրդերենին: Նա հիշեցրել է, որ Թուրքիայում ապրում են միլիոնավոր քուրդ քաղաքացիներ, և պնդել, որ նրանց ներկայացուցիչները պիտի ունենան խորհրդարանում իրենց մայրենի լեզվով խոսելու բնական իրավունքը:
Թեմելին նաև քննադատել է խորհրդարանին հանրային ակնկալիքները չբավարարելու համար՝ նշելով, որ դրա օրակարգը հիմնականում կենտրոնացած է Սահմանադրական դատարանի կողմից նախկինում չեղյալ հայտարարված օրենքների վերաօրինականացման վրա:
Այս ենթաբաժնի վերջին նորությունները
Մասնագետները, սակայն, կարծում են, որ իրական առաջընթացը կախված կլինի վիճելի հարցերի շուրջ կողմերի զիջումների պատրաստակամությունից։
Էրդողանը կմեկնի Հռոմ և կհանդիպի Իտալիայի վարչապետ Ջորջիա Մելոնիի հետ։
Թուրքիայի նախագահը մեղադրել է Արևմուտքին միգրացիոն ճգնաժամ հրահրելու, բայց դրա պատասխանատվությունը չկիսելու մեջ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |