2001-ի փետրվարի 19-ի ճգնաժամը Թուրքիայի ժամանակակից պատմության կարևոր էջերից է

Քաղաքական21:30, 19 Փետրվար 2025

2001-ի փետրվարի 19-ի ճգնաժամը Թուրքիայի ժամանակակից պատմության կարևոր էջերից է

Թուրքիայի Չանքայայի նախագահական պալատում 2001 թվականի փետրվարի 19-ին տեղի էր ունեցել սուր բախում այն ժամանակվա Թուրքիայի նախագահ Ահմեթ Նեջդեթ Սեզերի և վարչապետ Բյուլենթ Էջևիթի միջև։ Ազգային անվտանգության խորհրդի (ԱԱԽ) նիստի ժամանակ Սեզերը սահմանադրության օրինակը նետեց Էջևիթի ուղղությամբ՝ առաջ բերելով Թուրքիայի պատմության ամենածանր տնտեսական ճգնաժամերից մեկը։

Ճգնաժամն անմիջապես արտացոլվեց ֆինանսական շուկաներում՝ բորսայի անկում, տոկոսադրույքների կտրուկ աճ և արտարժույթի փոխարժեքի ռեկորդային տատանումներ։ Իրավիճակը բացահայտեց կառավարության ներսում խորը ճեղքվածքներ և, ի վերջո, ապակայունացրեց տնտեսությունը՝ ստիպելով Թուրքիային դիմել Արժույթի միջազգային հիմնադրամի (ԱՄՀ) օգնությանը։

2002թ․ նոյեմբերի 3-ի խորհրդարանական ընտրություններում իշխող կոալիցիայի կուսակցությունները՝ «Ժողովրդավարական ձախ կուսակցությունը» (DSP), «Ազգայնական շարժում կուսակցությունը (MHP) և Մայր հայրենիք կուսակցությունը» (ANAP) չկարողացան հաղթահարել խորհրդարանական շեմը, մինչդեռ նորաստեղծ «Արդարություն և զարգացում կուսակցությունը» (ԱԶԿ-AKP) տարավ ջախջախիչ հաղթանակ՝ ձևավորելով միակուսակցական կառավարություն։

Այս դեպքերը փոխեցին Թուրքիայի քաղաքական և տնտեսական ուղղությունը` խորը հետք թողելով հանրության հիշողության մեջ՝ որպես ճգնաժամի և վերափոխման բեկումնային պահ։

Աղբյուր` www.yeniankara.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: