Քաղաքական09:07, 19 Փետրվար 2025
Թուրքիան և Ուկրաինան կխորացնեն համագործակցությունը կրթության ու մեդիայի ոլորտներում
Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վոլոդիմիր Զելենսկու գլխավորությամբ երկրների միջև 2 համաձայնագիր է կնքվել:
Փետրվարի 18-ին ղեկավարների մակարդակով անցկացված երկկողմ հանդիպմանն ու աշխատանքային ընթրիքին հաջորդել է փաստաթղթերի ստորագրության արարողությունը:
Կողմերի միջև կնքված առաջին փաստաթուղթը եղել է «Թուրքիայի Հանրապետության կառավարության և Ուկրաինայի նախարարների խորհրդի միջև կրթության ոլորտում համագործակցելու վերաբերյալ» համաձայնագիրը:
Այն ստորագրվել է Թուրքիայի կրթության նախարար Յուսուֆ Թեքինի և Ուկրաինայի արտգործնախարար Անդրիի Սիբիհայի միջև:
Երկրորդ փաստաթուղթը եղել է մեդիայի և հանրության հետ կապերի ոլորտում համագործակցելու վերաբերյալ փոխըմբըռնման հուշագիր, որը ստորագրվել է Թուրքիայի նախագահականի հանրային կապերի վարչության և Ուկրաինայի մշակութային և ռազմավարական կապերի վարչության միջև:
Թուրքիայի հանրային կապերի վարչության ղեկավար Ֆահրեթթին Ալթունը սոցցանցում կատարած գրառմամբ կարևորել է երկու երկրների միջև ստորագրված փաստաթղթերը՝ վերոնշյալ ոլորտներում առկա համագործակցությունն էլ ավելի ամրապնդելու տեսանկյունից:
«Ես հավատում եմ, որ այս համագորածցությունը նպաստելու է մեդիայի և հանրության հետ կապերի ոլորտում համատեղ ծրագրերի զարգացմանն ու փոխադարձ ընկալման խորացմանը: Մաղթում եմ, որ այն շահավետ լինի երկու երկրների համար»,-հավելել է նա:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |