Քաղաքական14:41, 05 Փետրվար 2025
Թուրքիան դեմ է Գազայի հարցով Թրամփի ծրագրին
Գազայի վերաբերյալ ԱՄՆ նախագահ Դոնալդ Թրամփի վերջին հայտարարությունն անհանգստացրել է Թուրքիային: Իսրայելի վարչապետի հետ հանդիպման ժամանակ Թրամփը խոստացել էր վերահսկողության տակ վերցնել պատերազմից ավերված Գազայի հատվածը, երբ տեղի պաղեստինցի բնակչությունը վերաբնակեցվի այլ երկրներում:
Ավելի վաղ լրագրողների հետ ճեպազրույցում Թրամփն առաջարկել էր պատերազմից տուժած Գազայի հատվածից պաղեստինցի բնակչությանը տեղափոխել հարևան երկրներ։
«Մենք կտրականապես դեմ ենք այս առաջարկին: Ինչպես հիշում եք, Մերձավոր Արևելքի խնդիրը սկսվեց պաղեստինցիների տեղահանմամբ: Մենք քարոզում ենք պաղեստինցիներին իրավունք տալ, որ նրանք ունենան պետություն իրենց հողերում, դրանով մշտապես կլուծվի այս խնդիրը և վերջ կտրվի այս հակամարտությանը: Եթե այդ առաջարկը փորձ արվի իրականացնել, ապա կստեղծվի մի իրավիճակ, որը կվտանգի ինչպես տարածաշրջանային, այնպես էլ համաշխարհային խաղաղությունը»,- նշել է Թուրքիայի արտգործնախարար Հաքան Ֆիդանը։
Ըստ նրա՝ այդ մտադրությունն ամերիկյան քաղաքականության ազդեցության տակ ծագել է Իսրայելի վարչապետ Բենիամին Նեթանյահուի գլխում։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |