Նիդերլանդցի քաղաքական գործիչն աջակցում է ձերբակալված թուրք ընդդիմադիր կուսակցապետին

Քաղաքական12:46, 22 Հունվար 2025

Նիդերլանդցի քաղաքական գործիչն աջակցում է ձերբակալված թուրք ընդդիմադիր կուսակցապետին

Թուրքական մամուլը շարունակում է ուշադրությամբ հետևել Թուրքիայում գործող ընդդիմադիր «Հաղթանակ» կուսակցության ղեկավար Ումիթ Օզդաղի ձերբակալման շուրջ ծավալվող իրադարձություններին:

Հունվարի 22-ին ուշադրության կենտրոնում է հայտնվել Հոլանդիայում գործող «Ազատություն»կուսակցության (PVV) առաջնորդ Գիրտ Վայլդերսը, ով X-ի իր միկրոբլոգում աջակցություն է հայտնել Օզդաղին:

Վայլդերսի նման գրառումն արժանացել է թե՛ քննադատությունների, և թե՛ գովասանքների, սակայն դրա նկատմամբ հանրային հետաքրքրությունը բավականին բարձր է եղել:

Նշենք նաև, որ թուրքական աղբյուրում հոլանդացի քաղաքական գործիչը նկարագրվել է որպես «Թուրքիայի թշնամի», «ռասիստ» և «աջ ծայրահեղական»:

Հիշեցնենք, որ Օզդաղը մեղադրվում է Թուրքիայի նախագահին վիրավորելու և ժողովրդին ատելության ու թշնամանքի դրդելու մեջ:

Նրա նկատմամբ նշանակված հետաքննության, ապա հարուցված գործի համար հիմք է ծառայել հունվարի 19-ին «Հաղթանակ» կուսակցության նահանգային ղեկավարների խորհրդակցային հանդիպման ժամանակ իր կողմից արված հայտարարությունները:

Օզդաղն Էրդողանին մեղադրել էր ազգային արժեքների, կրոնի և մշակույթի նկատմամբ ոտնձգություն անելու մեջ, ինչպես նաև նրան համարել պատասխանատու՝ թուրքական կողմի համար ահաբեկչական համարվող «Ֆեթուլլահական կազմակերպության» Թուրքիա ներթափանցման համար:

Աղբյուր` Turkiyegazetesi.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: