Քաղաքական18:00, 20 Հունվար 2025
Թրամփի օրոք թուրք-ամերիկյան հարաբերություններում դրական շրջափուլ է կանխատեսվում
Վերջին օրերին թուրքական մամուլի հիմնական դիտարկման և քննարկման առարկան ԱՄՆ նորընտիր նախագահի օրոք թուրք-ամերիկյան հարաբերությունների ձևավորումն է:
Մինչ ԱՄՆ-ում այսօր՝ հունվարի 20-ին, նախատեսվում է նորընտիր նախագահ Դոնալդ Թրամփի ինաուգուրացիայի (երդմանակալության) արարողությունը, թուրքական մամուլում թեման մեծ թափով հանրայնացվում է՝ հիմնականում «Հարաբերություններն ինչպե՞ս կձևավորվեն» հարցադրումով:
Ընդգծվում է, որ չնայած Թրամփը պատմության էջերում մնացել է որպես միակ ԱՄՆ նախագահ, ով Թուրքիայի դեմ 5 անգամ պատժամիջոց է սահմանել, ակնկալիք կա, որ թուրքական կողմի նկատմամբ դրական քաղաքականություն է վարելու:
«Թուրք-ամերիկյան հարաբերություններում նոր ժամանակաշրջան է սպասվում»: Տարածվող նման տեսակետը հիմնավորվում է Թրամփի խոսքերի մեջբերմամբ.
«Էրդողանն իմ բարեկամն է և ես հարգում եմ նրան: Կարծում եմ՝ նա էլ ինձ է հարգում»:
Բացի այդ ընդգծվում է այն միտքը, որ Թրամփն անուղղակիորեն գովաբանել է Թուրքիայի նախագահ Ռեջեփ Թայիփ Էրդողանին Սիրիայում իրականացրած քաղաքականության համար, իսկ Իրանին և ՌԴ-ին համարել այդ երկրում արդեն իսկ թուլացած դերակատարներ:
Մամուլում ուշադրություն է հրավիրվում նաև Սիրիայում գործող քուրդ զինյալների և ԱՄՆ-ի միջև առկա համագործակցության վրա: Նշվում է, որ հատկապես այդ ուղղությամբ Թրափմի վարած քաղաքականությունը որոշիչ կլինի Թուրքիայի համար:
Հավելենք, որ չնայած թուրքական մամուլում տարածվող նման վերլուծությունների և կարծիքների, Էրդողանը, այնուամենայնիվ, հրավիրված չէ Դոնալդ Թրամփի երդմնակալության արարողությանը:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |