Քաղաքական16:51, 13 Հունվար 2025
Գերմանացի վերլուծաբան. «Եկել է ժամանակը Թուրքիային ՆԱՏՕ-ից վտարելու»
Իսրայելական «All Israel News» հայտնի լրատվամիջոցում հրապարակվել է գերմանացի վերլուծաբան Ջոնաթան Ֆեիլդշտեյնի հոդվածը՝ «Եկել է ժամանակը Թուրքիային ՆԱՏՕ-ից վտարելու» վերտառությամբ:
Հոդվածում նշվել է, որ Թուրքիայի վարած արտաքին քաղաքականությունը սպառնալիք է ներկայացնում եվրոպական երկրների համար:
«Թուրքիան ՆԱՏՕ-ի միակ անդամն է, որն ունի ծավալապաշտական նպատակներ։ Անկարայի քաղաքականությունը սպառնում է Եվրոպային։ Ժամանակն է Թուրքիային վտարել ՆԱՏՕ-ից»,-նշել է հոդվածի հեղինակը։
Ընդգծվել է նաև, որ ՆԱՏՕ-ն պետք է ազատվի Թուրքիային պաշտպանելու պատասխանատվությունից հնարավոր հարձակման դեպքում:
Ջոնաթան Ֆեիլդշտեյնը նաև մի շարք հարցադրումներ է առաջ քաշում, թե արդյոք ՆԱՏՕ-ի անդամ երկրները պետք է պաշտպանեն Թուրքիային, եթե օրինակ Ռուսաստանը թուրքական կողմի վարած քաղաքականության պատճառով մի օր որոշի ռազմական գործողություններ սկսել նրա դեմ։
«Որպես ՆԱՏՕ-ի անդամ՝ Թուրքիան իր ագրեսիայի պատճառով պոտենցիալ հակամարտության մեջ է դնում ՆԱՏՕ-ի բոլոր երկրներին, որոնցից յուրաքանչյուրը պարտավոր է պաշտպանել ՆԱՏՕ-ի գործընկերներին: Ձգտելով ջնջել սահմանները և սպառնալ ու վերահսկել այլ երկրներին՝ Թուրքիան կարող է ամբողջ Եվրոպան ներքաշել ավելի լայն ռեգիոնալ պատերազմի մեջ»,- ահազանգում է գերմանացի վերլուծաբանը։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |